Tito 3:12 - Sharanahua: Diospan Tsain

¹² Uhuun tsain unutaqui un mia yoinon. Un miqui Artemas iyamarai Tíquico nichiaitian uqui Nicópolis ano oriscahuu. Un nanno oipacutian iishquin.

Tito 3:12 ပူးပေါင်းရင်းမြစ်များ

Hechos 20:4

Futsafo afu fonifo. Aton anufo futsan Sópater Berea anoa apa Pirro caino futsanfori Aristarco yafi Segundo Tesalónica anoafo foaino Gayo Derbe anoa caino rafunon fustiri Timoteo non Tíquico non Trófimo Asia anoashu afu fonifo.

1 Corintios 16:6

Itsairaca un matofu iyotiro. Ascayamarai uraca oipacutian un mato muran iyonon. Ascashon un caiton un aya catanon un yopai cuscan man ua inanqui futsanon. Ascatan man ua nichian un casharanon.

Efesios 6:21

Ascan nocon yorahuan Tiquicohuun un fasi noicoin. U futan nocon Ifon Jesushuunoa yonoshomisi. Ascacun Tíquico un mato ari nichishquin. Un icai cuscan huafain urimain ahuuscaiquin mato nanto tapimai.

Colosenses 4:7

Ascano nocon yorahuan Tiquicohuun un fasi ahuun noicoin. Nanton u futan nocon Ifo Jesús yonoshomisiquin. Ascacun un Tíquico mato ari nichicain un icai cuscan mato tapimafain urimain ahuuscaiquin mato tapimanon. Ascashon mato yoiaino shinansharafain maton ointi man unimanon.

2 Timoteo 4:21

Oi pacuataima uqui ohuu. Ascano Eubulo non Pudente non Lino non Claudia nanfo futan nantifi Jesús icoinra huafoan mia yoisharafo.

2 Timoteo 4:9

Tsain futsari un mia yoi. Demas natian mafo yafi ahuara futsafo yorafo aya cuscan noicoinquin ua potafaini Tesalónica ano man caa. Crescente arifi Galacia ano man caa. Tito arifi Dalmacia ano man caa. Ascacun uqui oriscahuu ufu iishquin.