Tito 2:2 - Sharanahua: Diospan Tsain

² Ascashon nocofunu iyoafofo yosihuu isca huaquin. Ahuara ahuuscarafiaino shinanchacatama shinanshara fustifain isharafo cuscan futsafoan atohuunoa yoisharatirofo icain ascashon cayacaficoin Diospan tsain tapicoinshon icoinra huacoinnafo icain futsafohuun noicoinfain ascatan ahuara chaca finoin omitsiscafiashon tunucoinonfo. Nannori nocofunu iyoafofo yosihuu.

Tito 2:2 ပူးပေါင်းရင်းမြစ်များ

Marcos 5:15

Fucaquin oianfo Jesús yafi nocofunu ahuun yoshin chacafo a muran imisi tsaoa ini man amaquinoa Jesús yoshin chacafo potano. Afanan imisi cuscan chitoria inima. Man sahuuti sahuua. Afananricai nison inima. Shinansharacoinni. Ascaiton oincani ratucoinnifo.

Lucas 8:35

Ascaiton nicacani yorahuanrasi yahua asai futsuaiton oinpaicani funifo. Fucaquin oianfo Jesús naman nocofunu ahuun yoshin chacafo nuumisi tsaoa ini. Man amaquinoa Jesús yoshin chacafo potano. Afananricai imisi cuscan chitoria iyamacain nison inima. Shinansharacoinni.

Hechos 24:25

Futsafoanri ahuara futsa ato yoini. Upa Diosin noco imasharatiro yoifain ahuuscashomain non chaca huapaiyai cuscan non potatiroquin yoifain Upa Diosin nantifi noco yoishquin ratofomain afu ipatiroquin atirifi omitsiscapanacafo muran focani. Pablonun afohuunoa yoini. Nicai Félix fasi ratuni. —Nanscanon. Nanti. Min natian catiro. Un ahuara futsa huayamaquin un mia afanan cunatiro, —ishon yoini.

Romanos 12:3

Upa Diosin uhuun ramapaiquin ua maton muran nichini un mato tapimanon. Ascan un nantifi mato yoisharapai. Cacapaimisi iyamacahuun. Diosin mato imapaiyai cuscan fusti shinancahuun. Ahua futsa ipaiyamacahuun. Man Dios icoinra huatiro cuscan afin mato shinanmanaino cayacafi shinansharacahuun. Man icoinra huaa cuscan nan fusti Upa Dios ashocahuun.

1 Corintios 15:34

Man amaquiri shinanmisi cuscan afanan anori shinanyamacahuun. Cayacafi shinancahuun. Chaca huaquin shatucahuun. Timafin man atirifitocai man Dios onansharataima. Ascashu man rafipaitiro.

2 Corintios 5:13

Icon Dios noiquifin un curushcai yonoshofoanfafainmisiquin ahuunoa futsafoan shinansharanonfo. Ascan futsafoan nocohuunoa yoiafo isca huaquin, —Pablon yafi afu yonoafo nison cuscaraforan, —ishon nocohuunoa yoiafo. Man manfin tapiaquin non matohuun noiquin cayacaficoin shinanfain non Diosin tsain mato yoimisiquin marifi man cayacafi shinanon.

Gálatas 5:23

Ahuara tapifiashu afiri curanfia huamuyamacai tso fu iquinanpaiyamacai tsain tsii huafain yoimisi icain futsafohuun shinansharafain afin apaiyai cuscan huatama nan Diosin amapaiyai cuscan fusti huamisi. Diosin Yoshin Shara fustihuunshonfin asca huatirofoquin. Tsoa ascaicai afanan tsain futsan yopaima. Nan Diospan Yoshin Sharapan yonoa cuscan man aiquin. Ahuatocai afanan yonotiroma.

Filipenses 4:8

Ascano uhuun yoramishtichin mun cunuquin anaiticuana. Un afanan mato yoi futsapai. Ahuara icon fusti shinanfain ahuara sharafosi shinanfain ahuara cayacafi fusti shinanfain ahuara noco shinanmasharatiro nan fustiri shinanfain ahuara yorafoan shara huaifo cuscan shinanfain Diosin noco ashoain cuscan nanfo fusti shinansharafafaincahuun. Ascashon nocon Ifo —¡Aichoran! —huacahuun.

1 Tesalonicenses 5:6

Ascacun noncai itisharafoma cuscarama. Nanfoan niyoashu nan oshan muran cuscarafo. Jesús oaitianhuunoacai shinanfoma itisharashquin. Ato cuscara iyamacahuun. Nantishotapiquin Diospan tsain nicasharacahuun Jesús oaitian man itisharashcaquin. Ahua chaca shinantamarocon afin mato amapaiyai cuscan fusti shinancahuun.

1 Tesalonicenses 5:8

Ascafia noncai nan cuscarafoma. Nonfin yora nan shafatoca ishara cuscarafoquin. Ascano Diosin mato amapaiyai cuscan shinanfafaicahuun. Jesús icoinra huacoincahuun. Futsafohuun noicoincahuun. Man ascainocai yoshin chacafoan mato chaca huamatiroma. Jesús noco numani afanan chaca nocon Ifo itamarocon afin noco Ifo inon non afu ipaishquin. Nanfo man tapicoian cuscan huafain shinancahuun.

1 Timoteo 1:10

Aton ahuinma non aton funuma fu icain nocofunufo yafi ainfofo chaca huatananmisi icain futsa curushcain aton yonomati imafain chanimisifo. Ascacanashu ahuara futsa Diosin noco sharacoin yononi cuscan nicacasmacani. Nanscarafo Diosin ato nicamapai nan yononi cuscacoin anonfo. Ascafia chaca huamisifo cuscan shatuyamaifoan ato onaintimashqui tapinonfo. Upa Diosin ua yononi cuscan ahuun tsain sharacoin nantifi yorafo un ato yoinon. Nocon Dios fasi sharacoincun.

1 Timoteo 1:2

Ascano un mia Jesucristohuunoa yoiaiton min icoinra huani. Ascacun min icoinra huahuunshon min uhuun facu cuscaracoin. Un mihuun fasi noi. Nocon Upa Diosin futan nocon Ifo Cristo Jesús mia noiquin mia cushusharafain mihuunrifi ramapaia. Ascashon min ointi mia main huamanon.

1 Timoteo 1:5

Un nannori yonoa noinanfo. Ascashucai non nocon ointi muran ahuashta shinanchacatamarocon shinanshara fustifain nocon nomuranshori non nocohuunoa ahuacai chaca shinanyamafain non Jesús icoinra huacoinnai cuscan non futsafo noicointiro.

1 Timoteo 3:11

Aton ahuinfori isharacoinmisi icain yoiti huamitsapaimisi iyamacain paunmisiricai itiroma. Ahuara shara futsa aquifin Jesushuunshon asharamisi itiroquin.

1 Timoteo 3:2

Nan nocofunu cushumisi shara fusti itiro. Ascano ahuara chaca ahuunoa shinainfocain cushumisi itiroma. Ahuin fusti ya icain pau fuchipaimisi iyamacain ahuara ahuuscarafiaino shinansharamisi icain ahuara shara fustisi shinanpaimisi icain ahuun pushu muran yora iquimasharamisi icain futsafo Diospan tsain tapimasharatiro icain.

1 Timoteo 3:4

Ahuin yafi ahuun facufori ato ismasharaiton ahuun facufoan ahuunoa shinansharafain nicasharanonfo.

1 Timoteo 3:8

Nanscarifiai ichananfo aton shara huashomisifo isharamisifo futsafoan atohuunoa shinansharafain icon fustisi yoimisifo. Nan cuscarafo ichananfo aton shara huashomisifo itiroquin. Iscarari itirofo. Paumisi iyamacain pui noimisiforicai itiroma.

1 Timoteo 5:1

Ascashon nocofunu iyoafo tsain curushu yoiyamahuu. Ascatama min upa min yoisharatiro cuscan huafain iyoafo futsafo yoihuu. Min ushtocoinfo min yoisharatiro cuscan huafain nanscarifi chipocu futsafo yoihuu.

Tito 1:13

Nan yoini cuscan icon. Ascacun ato cayacafi yoisharahuu afanan chaca huatamarocon Jesús icoinra huacashon tanasharanonfo.

Tito 1:8

Ascatamarocon iscara cushumisi itiro. Yora shara huashopaimisi icain ahuara sharafo fustisi noifain ahuara ahuuscarafiaino shinanchacatama shinanshara fustimisi icain isharashu Jesús cuscara Diospan tsain shara fusti tanafain. Ascano ahuara amaquirifo futan chacafoan ahuun nomuran shinanchacamapaiyai cuscan atamarocon nan Diosin amapaiyai cuscan fustisi amisi. Nanscarafo cushumisi shara itiro.

Tito 2:7

Tito mirifi ato ismasharahuun nantifi min acai cuscan shara fustisi huahuu. Min ascaino minhuun caononfo. Min ato yosiaitian cayacaficoin shara ato yosihuu arifi isharanonfo. Ato yosiyanan cashuyamahuu. Cashutama ato yoicoinhuun.

Filemón 1:9

Ascafiaquicai un mia yonomapaima. Un fasi minhuun noicoinquin mia yonotamarocon un mia yocai. Ufin Pabloqui natian un anifo. Un Cristohuunoa yoimisicun ua cunu muran iquimanifo.

1 Pedro 1:13

Ascan maton nomuran cayacafi shinansharacahuun. Jesucristo oaitian Upa Diosin mato shara huashoshquiai cuscan itisharacahuun mato yoini cuscan fiishcaquin. Ascacun ahuara futsan shinanyamacahuun. Afin mato amapaiyai cuscan fustisi shinancahuun.

1 Pedro 4:7

Ascacun tsain futsari un mato yoinon. Shinancapon. Nantifi manifoti man cuyoti chaima. Ascacun cayacafi shinansharacahuun. Ahua chaca shinantamarocon Upa Diosin mato shinanmapaiyai cuscan nan fusti shinancahuun. Ascashon Upa Dios cufifafaincahuun.

1 Pedro 5:8

Masharo fonainquin cahuancacaiquin ahuarafo funafoanfafainni piishquin. Nanscarifiai nan nocon noicasmamisi yoshin chaca Satanás cahuancacaini tsoan Diosihuunoa shinanyamaifo ato chaca huamafain ato omitsiscamashquin afanan Diosihuunoa shinanonfoma. Ascacun oinfain. Ahuara chacahuunoa shinanyamacahuun. Upa Diosin mato shinanmapaiyai cuscan nan fusti shinancahuun Satanás mato chaca huamanonma.

2 Pedro 1:6

Ascan mafi man apaiyai cuscan fusti shinancaquima ahuunoashu isharafain ahuara ahuuscarafiaino tunufain Dioshuunoa fusti shinanfafaicahuun.