Romanos 4:3 - Sharanahua: Diospan Tsain

³ Ahuunoa Diospan tsain cununi isca huaquin, —Abraham Upa Dios icoinra huamisi. Ascaino Upa Diosin ahuun chaca soashona a cuscara isharanon, —ishon cununi.

Romanos 4:3 ပူးပေါင်းရင်းမြစ်များ

Génesis 15:6

Nannori yoiaiton nicaquin Abram Ifo Diosi yoiai cuscan icoinra huani. Icoinra huaiton Diosin yoini, —Abram min ua icoinra huashu min fasi sharacoian, —ishon yoini.

Mateo 20:9

Ascaino man fari nii manaon caano foafo. Nanfo ato inanni naan shafa fusti yonoa shinantsa huaquin.

Marcos 12:10

¿Diosin tsain yoini cuscan man oinmisimamun? Ascashon yoiquin isca huani, “Pushu yonomisifoan toquiri quishi shara oincaquin yoinifo, ‘Nacai sharamafinquin,’ ishon potafo. Man potafiafoan pushu ifoan catonni nan toquiri quishihuunoashu pushu nisharanon. Nanscarifi aquin Diospan Furunhuunoa niaifofoan yoimisifo, ‘Nancai ahuamaran,’ ishon man potafo. Ascafiacun Upa Diosin catonni ahuun yorafoti ahuunoashu nipanonfo.

Romanos 10:11

Nannorifi Diospan tsain cununi, —Tsoan Criston Diospan Furun icoinra huaashucai rafipacunacafoma, —ishon cununi.

Romanos 11:2

Upa Diosin ahuun yora inonpacoai cuscan onanshocai ato potamisima. Shinancapon. Nocon shuni Elías Israelifohuunoa Upa Diosin yoini isca huaquin,

Romanos 4:11

Abraham foshqui rupa shatuataima Upa Dios icoinra huaqui tau huani. Ascacun ahuun chaca soashoni a cuscara shara inon. Ascaino chipo fari ranan finoanno Upa Diosin Abraham yononi, —Min non min yorafori foshqui rupa shatucahuun. Nan foshqui rupa shatushonfin min shinantiro isca huaquin, “Icon Upa Dios un icoinra huacun uhuun chaca ua soashona ua shara huapanaca Upan Diosin ua yoiyoniran,” —ishon Diosin Abraham shinanmani. Ascacufin tsoafo foshqui rupa shatuataima Dios icoinra huashu Abraham ahuun upa cuscara itiro. Afin foshqui rupa shatuataima Upa Dios icoinra huaquin tau huani. Ascacun ahuun chaca soashoni a cuscara shara inon.

Romanos 4:9

¿Upa Diosin Israelifo fusti unimamatiromun? Ma. Israelirifomari aton chaca soashotiro a cuscara shara imashquin. Abraham Diosin icoinra huacun ahuun chaca soashona a cuscara shara imashquin. Nannori non mato yoimisi.

Romanos 9:17

Ascano Upa Diosin Egipciofo aton niaifo yoini, —Un mia niaifo imashquin nantifi manifoti anoafoan un ahuamamishti huatiro minhuunshon tapinonfo, —ishon yoini.

Santiago 2:23

Icoinra huacoincun Upa Diosin ahuunoa yoini, —Abraham minfin sharacoinquin. Ascashu min ufu isharatiroran, —ishon yoini. Diosin Abraham yoiniri, —Abraham minfin ufu rafusharacoinmisiquin, —ishon Diosin yoini.

Santiago 4:5

Diospan tsain cununi isca huaquin, —Uhuun Yoshin Shara un mato ya rafumaniran, —ishon cununi. ¿Man shinanmun ipaitsi noco cunushoni? Man ahuara futsafo noiaiton oinquin ahuun Yoshin Shara fasi ahuun ointi isincointiro.