Números 6:24 - Sharanahua: Diospan Tsain

^24-26 “Nocon Ifo Diosin mato sharahuafain mato cushusharai matohuunoari shinansharafain matohuun ramapaicain mato furi icacaini. Ascano Upa Diosin maton nomuran unimamasharairan,” ishon ato yoihuun.

Números 6:24 ပူးပေါင်းရင်းမြစ်များ

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Salmos 91:11

Nocon Ifo Diosin ahuun oinmatifo nan a fu nai muran icafo matoqui nichishquin mato cushunon. Man raquira futsa caiton mato cushushquin.

Daniel 9:17

Nocon Diosin unfin min oinmati un mia cufifain un mia yoca cuscan ua nicapun. Ifo min noco fu iyopaoni anocai natian tsoa ano icama. Ascacun nocohuun noifain afanan Jerusalén shara huapun futsafoan mihuunoa yoisharanonfo.

Juan 17:11

Uncai afanan na mai ano iyoima. Unfin miqui caicain. Afofin na mai ano nitucaniquin. Upan, min fasi sharaquin ato cushusharahuu. Min curushhuunshon ato cushusharahuu. Mian inanfoti ato cushusharahuu. Nonfin nan fusti cuscaracoinquin. Nanfori no fu nan fusti cuscararifi ato imahuu.

1 Corintios 14:16

Man Diospan Yoshin Sharahuunshon nan tsain futsaman Upa Diosihuunoa man yoifiaiton ahuuscashocai matofu ichananfoan yoiquin, —Ascapainon, —mato huatirofoma nicatsi huacani.

Efesios 6:24

Man nocon Ifon Jesucristo nantishon tapiquin man ahuun noi unupacuyamaino Upa Diosin nantifi matohuun ramapai. Unquian Pablo un mato cunushoni. Nanscari inon. Nanti. Pablo

Filipenses 4:23

Nocon Ifo Jesucristo matohuun ramapaicain maton nomuran mato shara huapanon. Nanscasi ipanon. Amen. Nanti. Pablo

Filipenses 4:7

Man ascaitofin maton nomuran Diosin maton ratufo potafain mato ointi isharamaiquin. Ahuara ahuuscarafiaino Diosin nocon ointi isharamatiroqui. Ascan noncai tapitiroma ahuuscashomain nocon ointi noco shinansharamatiroquin. Ascafia Jesucristo non icoinra huacun nocon ointi yafi nocon nomuran noco shinanmasharafafaini.

1 Tesalonicenses 5:23

Diosin fustiton nocon nomuran isharamatiro noco fucashhuanonma. Nantofin mato imasharacoinquin ahuun ointi cuscara man inon. Ascashon maton cushusharafain maton nomuranri cushushara ahuara shara fusti man shinanon. Upa Diosin mato nanscacoin huaino nocon Ifo Jesucristo afanan oaitian matoqui shinansharashquin.

1 Pedro 1:5

Ascan non icoinra huacun Upa Diosin ahuun curushhuunshon noco cushusharafafaini Jesús oaitian. Nantianri noco imashquiai cuscan nantifi noco inanshquin ahuashtacai non funoshquima.

Judas 1:24

Ascan uhuun tsain unutaqui nocon Dioshuunoa un mato yoisharapai. Nanton mato cushusharatiro man chaca huanonma. Unimacoincain ahuun ointaifi mato imasharatiro. Nannoshocai tsoan matohuun ahua chaca nuutatiroma. Ascashu unimacoin man aqui nocoshquin. Nantofin mato nansca shara huashotiroquin.

1 Samuel 2:9

Tsoan nocon Ifo tanasharaiton ato cushusharai raquira caiton nanri cushusharai ahua chaca finonnonma. Ascafia yora chacafo nashu faquish muran ipanacafo. Tsoacai afin ahuun curushhuunoashu isharatiroma.