Números 14:34 - Sharanahua: Diospan Tsain

³⁴ Man manfin cuarenta dia oshatan nan mai sharano oianquin. Unfin mato yoimisi nan mai shara un mato inain. Ascafiacai ua icoinra huafoma. Man ua chaca huaa. Nanscacun natian man cuarenta fari tsoa istaipama ano foafafainshquin. Uncai afanan mai shara ano mato iyoi caima. Natian un mato onaintimai cusca man mutiroran,” ishon ato yoihuun.

Números 14:34 ပူးပေါင်းရင်းမြစ်များ

Números 13:25

Cuarenta dia oshatan nan mai ano foanfafainnifo nantio oinsharacani. Oinfoafafaicatan aton pushu rasi ano nasonifo.

Hechos 13:18

Tsoan istaipamashon cuarenta fari ato cushusharayopaoni.

Deuteronomio 2:7

Nocon Ifo Diosin nocohuunoa shinansharaquin non amisi cusca noco sharahuashomisi. Cuarenta fari tsoa istaipama ano non foafanfainni nocon Ifo Diosin no fu cahuacamisi. Noco oinsharafain noco cushusharamisi. Noncai ahuara yopamisima.

Hebreos 4:1

Ascano Upa Diosin ato yoini cuscan norifi non icoinra huashu non afu rafucun nocon nomuran unimamatiro. Ascacun oinfain. Marifi Diospan tsain man icoinra huayamashu mato imasharapaiyai cuscan man funotiro.

Apocalipsis 11:3

Ascacun nantianri un nocofunu rafu Jerusalén ano nichishquin. Nanno icafo un ato yoipaiyai cuscan nan rafutan ato yoishquicani. Fari rafunon fusti nushmancayan atohuunshon nan Jerusalén ano icafo un ato yoishqui. Ascashon nan rafutan sahuuti chocashta sahuucashon atohuun ramapaicoinquin ato ismashcani. Uhuun curushhuunshonri ahuamamishti huashcaniran, —ishon Diosin ua yoia.

1 Samuel 2:30

“Un yoiyoni cuscan min non min yorafo non min shunifori man Israelifohuunoa ua cufinshomisifo cuscacai unupacunacama. Ascafia man fasi chaca huahuunshoncai man afanan mato caifo Israelifo ua cufinshomisi itiroma. Un natian shinan futsa. Tsoan futsafo uhuunoa shinanmasharacun urifin atohuunoa futsafoan ointaifi un yoi sharashquin. Ascan tsoan uhuunoa futsafo shinanmasharayamaiton urificai atohuunoa un shinansharatiroma.