Números 14:24 - Sharanahua: Diospan Tsain

²⁴ Ascafia nan uhuun oinmati Calebcai nicayosmamisifo cuscarama. Nantofin ua icoinra huafain ua tanasharamisiquin. Ascacun nan mai shara rama oianfin un nanno imaiquin nan ahuun mai inon. Ascano ahuun funafori nanno ishquicani. Unfin nan mai ato inanshquiquin nanno inonfo.

Números 14:24 ပူးပေါင်းရင်းမြစ်များ

Números 13:30

Ascano Israelifo Moisés ahuun ointaifi nantifi ahuun caifo ichanannifo nan rama ointafo cuscan ato yoiaifoan nicanifo. Ascano nantianri Caleb ato yoisharani ratunonfoma. Ato yoiquin isca huani, —¡Ratuyamacahuun! Non afanan nan mai shara ano fononfocahuun. Nan icafo ano non ato rutushon non aton mai fiinon, —ishon Caleb ato yoini.

Números 14:30

Un mato yoiyoni cusca nan mai sharacoin un mato inain. Ascafia nan ua nicacasmai ratora futsacai nan mai ano ipanacama. Ascafia nan Caleb yafi Josué fusti nanno itirofo.

Hechos 11:23

Nocoshon Diosin ato shara huaa cuscan atohuun ramapaiyaiton oinni. Oin ahuun nomuran fasi unimani. —¡Aicho! Natian man Jesús icoinra huaa. Ascan nocon Ifo tanasharacahuun. Maton nomuran ahua futsa shinanyamacahuun, —ato huani.

Efesios 6:6

Maton ifoan mato oiainnosi yonoshonsharaquima matohuunoa shinansharanonfo. Mato oianmafiaifono unimacai ato yonoshosharacahuun. Man ascaiton oin unimanonfo. Man mato ifo yonoshosharaquifin nan noco Ifo Criston yonoshoshara man huaicain. Ascan nan nuno mai anoashu mato ifo fusti man unimana cuscan huafainri noco Ifo Diosin mato amapaiyai cuscan ashocahuun. Ascashu noco Ifo Jesús ahuun yonomati iishcaquin.

Deuteronomio 1:36

Ascafia nan Jefone facu Caleb fusti iquitiro. Nantofin ua nica sharamisiquin. Ascashu arus fusti iquitiro. Naanfin nan mai oian cusca un inaincai ahuuna non ahuun funafonari inon,” ishon nocon Ifo Diosin yoini.

Deuteronomio 6:5

Nocon Ifo Diosi maton shinanhuunshon fasi noicoinfain maton nomuran fasi noicoinfain maton curushhuunshon fasi noicoincahuun.

Colosenses 3:23

Ahuarashta yonocaquin nocon Ifoan curushhuushon yonoshosharacahuun. Nocofunufo fustihuunoashucai man yonoima. Nocon Ifo Jesús nantifi noco oin. Ascan nocon Ifo yonoshosharacahuun. Anori shinanfain yonosharacahuun.