Números 14:22 - Sharanahua: Diospan Tsain

²² Nanscarifi aquin tsoa istaipamashon un ahuamamishti ato ashomisi cusca oinfiashocai ua icoinra huamisifoma. Nantishotapiquin ua nansca huamisifo. Ascatari ua nicacasmamisifo.

Números 14:22 ပူးပေါင်းရင်းမြစ်များ

Génesis 31:41

Nanscasi un amisi veinte fari mihuunoashu yonoi. Un mia yonoshona mucu rafuti non tau nushmancayanoati fari min facu rafu fiishquin. Un mia sharahuashofiamisi natian mian chaca huai. Un mia yonoshona rafanan uhuun pui min ua mucu rafuti huaquin shucamisi.

Génesis 31:7

Ua parafafainni. Uhuun yono ua shucapacufoanna. Ascafia Upa Diosin ua cushushara maton upa ua ahuusca huanonma. Ascatamarocon ua yoini min yonoa rafanan mun mia chashoan cunuyafo inainran ua huani. Ascan Diosin yononi nantifi chashoanfo ato facu cunuyafo. Chipo ua yoini min yonoa rafanan un mia ina raonyafo inainran ishon ua yoini. Ascan Diosin yononi nantifi chashoanfo ato facu raonyafo.

Éxodo 14:11

Nanscara oincani Moisésqui ahuun caifo Israelifoan fasi tsain chipunifo. Yoiquin isca huani, —¿Ahuuscai Egipcio mai ano non itiromamun? Anoashu non naino nanno non maitiro. ¿Ahuuscaquimun tsoa istaipama min noco ihuuaquin non nunoashu naanon? ¿Ahuuscaquimun min noco Egipcio mai anoshon ihuuaquin?

Éxodo 15:24

Ascano nantifi Israelifo Moisésqui fasi sinacoincaquin aqui tsain chipunifo. Ascashon yoinifo, —¿Natianmun non raquia unu ayaicain? —huanifo.

Éxodo 16:2

Nanno nan mainfin uhuapan anoshon nantifi Israelifoan Moisés yafi Aarónqui tsain chipunifo. Fasi atoqui sinacaquin.

Éxodo 17:2

Ascano nantian afanan Moisésqui Israelifo sinacaquin tsain chipunifo yoiquin isca huanifo, —Moisés, noco unu ayamahuun, —huaifoan. —¿Ahuuscai uqui man tsain chipufafainnimun? Uncai ahuamafinquin. Non yopai cuscafin nocon Ifoan noco ashoshquiquin. Mancai nocon Ifo Dios icoinra huama. ¿Man Diosi nocoqui sinamapaimun? —ato huaiton.

Éxodo 17:3

Afanan Israelifoan fasi nomicoincaquin Moisésqui sinacaquin aqui tsain chipunifo, —¿Ahuuscaimun min noco Egipcio mai anoshon nuri noco ihuuaquin? Natian nocon facufo non noco inafoyari non nantifi nomi nai futsunon, —ishon Moisésqui sinacaquin nannori yoinifo.

Éxodo 17:7

Nan unu afataima Israelifoan Moisésqui tsain chipuaifo cusca Moisés nan mai ano anuni Meriba. Asca huatan Israelifoan yoinifo, —¿Nocon Ifo Diosi no fu ica iyamaraimun no fu icama? —ishon nannori yoinifo. Nan Israelifoan nocon Ifo Diosiqui tsain chipunifo. Nannori icaifoan oinquin nocon Ifo Diosin atoqui sinani. Ascano afanan Moisés na mai anuni Masahran huani.

Éxodo 32:1

Nantianri Israelifoan shinannifo fasi Moisés manariacaquin yoinifo isca huaquin, —Noncai tapiama ahuutiamain Moisés nocoqui nasoicai. Ahuara chacaraca finoan, —icashu Israelifo yoinannifo. Ascatan Aarón ano fonifo nan shinainfo cusca yoifocani. Ascashon yoiquin isca huanifo, —Moisés noco Egipcio mai arishon ihuufiashon noco potafainna. Ascacun noco diosi futsafo noco rami huashohuun nanfoan noco mai futsa ano iyoicanon, —ishon yoinifo.

Éxodo 5:21

Ascashon Israeli niaifofoan ato yoiquin isca huanifo, —Ascacun nan niaifo Faraón nocohuunoa shinanchaca. Ahuun yorafoanfin nocohuunoari shinanchacacaniquin. Matohuunfin nuaquin. Natian noco rutupaiquifin noco rututirofoquin. Diosimain mato onaintimapainonran, —ishon niaifofoan Moisés yafi Aarón yoinifo.

Daniel 1:20

Nan niaifoan ahuara ichapa futsa futsatapafo ato yocaiton nan rafu non rafuriton fasi cayacafi shara cumanifo. Nanfoan cumasharai cuscacai tsoa futsan ahuun mai anoshon ascara cumaquin shara huatiroma. Nan Daniel non nan rafu non fusti pushcopan tapiafo cuscan tsoan futsacai tapinima. Ascan nan shointiafoanricai inonpacoai cuscan yoimisifori tapinifoma.

Números 11:1

Nannori ato yoifianicun Israelifoan tsain chipunifo. Ascashon yoinifo, —Nonfin fasi omitsiscaicain, —ishon tsain chipuaifoan nocon Ifo Diosin ato nicain atoqui fasi sinani. Ascashon atoqui chiihuan otani coononfo. Nan pasoato icafori atirifi cooi futsunifo.

Números 11:4

Nan Israelifo foaifoanno yora futsafori ato fu fonifo. Afocai Israelifoma. Caifo futsafo. Nanfoanfin ahuara sharafo fusti Egipcio mai ano fasi fuchipaicaniquin. Ascashu nanno fasi nasopaicani. Nanscaifoan oincani Israelifoanri tsain chipunifo. —¡Ohua! Noncai nami ayama.

Números 12:1

Nantian María futan Aarón ahuun ushto Moisésqui tsain chaca huanifo. Moisés ainfo Etiope caifo fiini. Nanscacun aqui tsain chaca huanifo.

Números 14:11

Atoqui nocotan nocon Ifo Diosin Moisés yoini isca huaquin, —¿Ahuutianmun na yorafoan uqui tsain chaca huaquin unucaniquin? Diosincai ahuamaran, ishon aton nomuran shinanquin shatuyamacaicani. Un ato tsoan atiroma cusca ismafiamisi uacai icoinra huapaicanima. ¿Ahuutianmun ua icoinra huacaniquin?

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Mateo 4:7

Afanan Jesús cumani, —Ascafia Diospan tsain cununiri isca huaquin, Ahuara musunicoin huaquin shinanyamacahuun uatsi Diosin cushuiquin ishon. Ascacun asca huayamahuu ishon cununiran, —Jesús huani.

1 Corintios 10:5

Asca huafiainfoanno Upa Diosicai atifiquicai unimanima. Ahuun tsain nicapaiyamaifoan. Ascashufin tsoan istaipama foanfafaincanisi nicayosmacani nai cuyonifoquin. Nan tsoan istaipama ato mai huaquin futsanifo. Diosin ato namaquin cuyoano.

1 Corintios 10:9

Aton cuscara chaca huayamacahuun. —Diosincai nocoqui funa sinatiroma. Ascan un chaca huafiacucai ua onaintimaimaran, —ishon anori shinanyamacahuun. Nocon shunifoan Dios chaca huariainfoan Diosin afanan tunuyamacaiquin ato onaintimani. Ascashori rono paupafo ato muran nichini nanfoan ato nasano atirifi nani. Ascacun ¡Oinfain! Man Dios chaca huariaiton afanan tunuyamacaiquin matori onaintimatiro.

Hebreos 3:9

“Maton shunifo tsoan istaipamanoashu icaino yoitimafiaifoan funaquima uhuun yono un ato ismapaoni. Tsoan oinyomisima cuscara shara cuarenta fari un ato ahuamamishti ismasharapaoni.”