Números 14:2 - Sharanahua: Diospan Tsain

² Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Números 14:2 ပူးပေါင်းရင်းမြစ်များ

Éxodo 14:11

Nanscara oincani Moisésqui ahuun caifo Israelifoan fasi tsain chipunifo. Yoiquin isca huani, —¿Ahuuscai Egipcio mai ano non itiromamun? Anoashu non naino nanno non maitiro. ¿Ahuuscaquimun tsoa istaipama min noco ihuuaquin non nunoashu naanon? ¿Ahuuscaquimun min noco Egipcio mai anoshon ihuuaquin?

Éxodo 15:24

Ascano nantifi Israelifo Moisésqui fasi sinacoincaquin aqui tsain chipunifo. Ascashon yoinifo, —¿Natianmun non raquia unu ayaicain? —huanifo.

Éxodo 17:3

Afanan Israelifoan fasi nomicoincaquin Moisésqui sinacaquin aqui tsain chipunifo, —¿Ahuuscaimun min noco Egipcio mai anoshon nuri noco ihuuaquin? Natian nocon facufo non noco inafoyari non nantifi nomi nai futsunon, —ishon Moisésqui sinacaquin nannori yoinifo.

Números 11:1

Nannori ato yoifianicun Israelifoan tsain chipunifo. Ascashon yoinifo, —Nonfin fasi omitsiscaicain, —ishon tsain chipuaifoan nocon Ifo Diosin ato nicain atoqui fasi sinani. Ascashon atoqui chiihuan otani coononfo. Nan pasoato icafori atirifi cooi futsunifo.

Números 11:15

Uhuun Ifon, min ua nanscara huapaiquin natian ua namahuun. Min ua noicoianmainquin ua namahuun un afanan na yorafohuunoashu omitsiscanonma, —ishon Moisés nocon Ifo Diosi yoini.

Números 11:5

Non Egipcio mai ano ipaonitiancai non shiman yopapaonima. Nonfin shiman ichapa cashman fipaoniquin. Noncai tushu futsa futsatapafo ointiaquimamisima. Ascano non pepinon pifain mirasia afain puerro pifain cebolla pifain ajosri non pipaoni.

Números 14:1

Ascano nantian aton caifofo Canaán mai anoashu nasonifo yoiafo cusca nicacanashu Israelifo fasi oiashcafinin uaishinifo.

Números 14:22

Nanscarifi aquin tsoa istaipamashon un ahuamamishti ato ashomisi cusca oinfiashocai ua icoinra huamisifoma. Nantishotapiquin ua nansca huamisifo. Ascatari ua nicacasmamisifo.

Números 16:13

Minfin nan mai shara ano non ahuara yopatiroma anoshon min noco ihuuaquin tsoa istaipamanoashu non naanon. Ascacun natian min yonomatifo min noco imapai.

Números 16:41

Nansca huafiacatan iyoconaino afanan Israelifoan Moisés yafi Aarónqui tsain chaca huanifo isca huaquin, —Nan man rafutafin Ifo Diospan ahuun yorafo rutuaquin, —ishon yoinifo.

Números 20:2

Nannoshon unu fuchiyamacaicaquin Israelifoan Moisés yafi Aarónqui tsain chaca huanifo.

Números 20:3

Ascashon ato yoiquin isca huanifo, —Matohuunfin nuaquin non nuno unu maisi ica. Nocon yorafo nocon Ifo Diosin ointaifi nayamuafo cusca norifi nan icafo cusca non naa shara icuana.

Números 20:4

Nonfin Ifo Diosin yorafoquin. ¿Ahuuscai min nuno tsoa istaipama ano ihuuamun noco inafoya non naanon?

1 Corintios 10:10

Ascashon nanfoanri tsain chipuriaifoan Diosin nai oinmatinin atirifi ato namani. Ascacun oinfain marifi tsain chipuyamacahuun matori onaintimanonma.

Deuteronomio 1:27

Maton pano pushu muranshon man tsain chaca huafain man tsain chipuni isca huaquin, “Nocon Ifo Diosin noco noicasmai. ¿Ahuuscai Egipcio mai arishon noco nuno ihuuamun Amorreofoan noco rutunon?

Hebreos 3:16

¿Ascan tsoafoanmun Dios nicacasmafain ahuun tsain cachiquiri huapaonifoquin? Nantifi nocon shunifo Moisés ato Egipto mai anoashon iyoni. Nanfoanfin Dios nicacasmapaonifoquin.

Judas 1:16

Nanfoanri tsain chipumisifo icain futsahuun ahuara chaca nuutapaimisifo. Nan chaca huapaiyai cuscan fusti tanafafainmisi icain afiri yoimusharamisifo. Ascacanashu cacapaimisifo icain futsahuunoa tsain shara yoiamafiaquin futsa cuncun huapaimisifo, “Ua shara huanon,” ato huamapairan, —ishon Enoc huani.