Números 14:14 - Sharanahua: Diospan Tsain

¹⁴ Nan mai shara icafoannoshon mihuunoa nicamisifo. Min no fu imisi cuscan nan yorafoan nicamisifo. Man mia yora futsafoan nica min noco ashoan cusca. Min nai coinmanhuan rufofo noco iyoshonaino acachori non shafata cani. Ascanori yamu chii urumanhuanri noco iyoshoni. Nan manifotiton min noco ashoain cusca nicamisifo.

Números 14:14 ပူးပေါင်းရင်းမြစ်များ

Génesis 32:30

—Un Diosi fuso oinfiaitocai ua namamanamaran, —ishon Jacob yoini. Ascashon nannoa nan mai anuni Penuelran ishon yoini.

Éxodo 15:14

Nan min noco iyoai cusca mani futsafoan nicacani fasi ratucoinshquicani. Filisteofori ratucoinshquicani. Ascashu aton nomuran fasi omitsiscashcani.

Éxodo 33:11

Ascatan pano pushu ichananti murannoashu nocon Ifo Diosin Moisés fu yoinonanni. Nan a fu rafua fu yora tsaintiro cusca ai nocon Ifo Diosin Moisés fu tsainni. Tsainquin unutan Moisés afanan ahuun caifo icano nasoni. Ascano nan Moisés fu rafumisi Josué Nunpan facu nan ichananti pano pushu muran nituyoni.

Éxodo 33:16

¿Min no fu cayamaino ahuuscashomun yora futsafoan tapitiromun min ua non uhuun caifofoqui unimai? ¿Min no fu cayamaino ahuuscashomun futsafoan tapitiroquin noncai caifo futsafo cuscarama? ¿Ahuuscashomun tapitirofoquin ua non uhuun caifofori min noco catoan min yoracoinfo non inon? —ishon Moisés yoini.

Éxodo 40:38

Ascano shafatan pano pushu manaon nai coinmanhuan nituyoni. Ascatan nan yamu nai coinmanhuan muran aton Ifo Diosin ato chiihuan urumanhuan huashoaiton Israelifoan oinnifo. Nan Israelifo foafafainaifotian ato nanscashopaoni.

Números 12:8

Unfin a fu tsainmisiquin uncai ahuara futsahuunoa yoitamarocon un ahuun ointaifin shafacaficoin yoimisi. Unfin Moisés ismamisiquin unmain ahuu cuscaraquin. Nanton ua oinmisi. ¿Ascacun ahuuscai man uqui ratuamamun nan uhuun oinmati Moiséshuunoa tsain chaca huai? —ishon ato Upa Diosin yoini.

Juan 1:18

Tsoancai Upa Dios oinmisima. Ascafia ahuun Facu fu rafumisiton ahuunoa noco yoimisiquin. Ahuunshon non tapitiro ahuu cuscaramain Upa Diosiquin.

Juan 14:9

Ascaiton Jesús cumani, —Felipen, Un fasi matofu ipaifiamisicun. ¿Ahuuscain mian onanyomisimamun? Nan tsoan ua oinquifin uhuun Upari oinquin. ¿Ahuuscain ua “Upa oinmahuu” mian huaimun?

1 Corintios 13:12

Fuisiti matacoiannocai nocon fuso cuscaracoin non ointiroma. Nanscarifiai natian Jesús icai cuscacoincai non onancoiantaima. Chipo aqui nocoshon ahuun fusocoin non oincointiro. Nantiantari aficoinmain ua onancoiaintofin urifi un onancoinyaino.

Deuteronomio 1:19

Ascan nocon Ifo Diosin noco yononi cusca non Horeb anoashu cani machi Amorreofo icafoanno non noconon. Nan mai fasi chaca ano tsoa istaipama ano finonfainni cai Cades ano noconi. Man man oinni.

Deuteronomio 34:10

Nan Moisés Diosin tsain yoimisi cuscaracai afanan tsoan imisima. Diosin fu Moisés oinonanpaoni a furi tsainpaoni. Tsoan futsacai Moisés cuscara Diosi fu tsainmisima.

1 Juan 3:2

Uhuun yoramishtichin icon natian nonfin Diospan facufoquin. Noco chipo imai cuscan tsoan tapiataima. Ascafia Jesús oaiton oin non a cuscaracoin ishquin. Nan man non tapian.