Números 13:32 - Sharanahua: Diospan Tsain

³² Nan nicacani Israelifo fasi ratucoinnifo. Ascashon nan rama mai futsa ariashu nocoafoan afanan yoinifo, —Ma. Nonfin oianquin tsoa nanno ipaiyaiton samamashta nanno icafoan ato rutushquin. Nanno icafo fasi uhuapacoinfo.

Números 13:32 ပူးပေါင်းရင်းမြစ်များ

Números 13:28

Ascafia nanno icafo yorafo fasi mutsisipacoinfo. Aton pushu rasi uhuapacoin. Ascanori cunu cuyacoin tarati huayacunafo. Tsoacai ato muran iquitiroma. ¡Musucoin! Ascatari non oian Anac ahuun funafo. Aton shuni cuscarafo fasi uhuapacoinfo.

Mateo 23:13

Ato asca huatan Jesús Moisés cununi cuscan tapimamisifo yafi Fariseofori yoiqui isca huani, —¡Ohua! Moisés cununi cuscan tapimamisifo futan Fariseofoan ua nicasharacahuun. Manfin fuparamitamisicoinfoquin. Upa Dios icano man yorafo iquimapaifiaquicai man ato iquimatiroma. Ascashu marificai man iquitiroma. Iquipaifiaifoan man ato catima huaa. Ascacun Diosin mato fasi onaintimaquin finacoinshquin.

Deuteronomio 1:28

Nocon yorafo na mai anoashu nocoqui chaninifo cusca noco ratumanifo. Noco yoiquin isca huanifo, ‘Nan mai ano icafo fasi cuya masoafo mutsisipacoinfo. Noncai ato finontiroma. Aton pushu rasi cunu cuyacoin tarati huaafo. Nannori Anac ahuun funafo yora tsoan oinyomisima uhuapacoinfori man non oianran,’ ishon noco yoinifo. Nocon yora nan mucu rafutifain nannori noco yoiquin noco ratumanifo. ¿Ascacun ahuuscaimun non ari catiroquin?” ishon man ua yoini.