Números 13:29 - Sharanahua: Diospan Tsain

²⁹ Ascano nan Amalacitafo Néguev mai ano icafo. Hititafo non Jebuseofo non Amorreofo nan machifo ano icafo. Ununhuan cusumun non unu Jordán cusumunri nan Cananeofo icaforan, —ishon yoinifo.

Números 13:29 ပူးပေါင်းရင်းမြစ်များ

Génesis 14:7

Ascasho Quedorlaomer yafi niaifo futsafo aton ranushumuafoya nasonifo En-mispat mai ano noconifo. Nan mai En-mispat ahuun anu futsa Cades ini. Nanno nantifi atoqui nocoashu rutunannifo. Nan Amalacitafo rutufain Amorreofori rutunifo. Nan Amorreofo Haseson-tamar mai ano ipaoni.

Éxodo 3:17

Nan min shunifo inonpacoai cusca un yoiyoni nan omitsiscaifotian un mato Egipcio mai anoshon mai futsa yora futsafo nanno icafo ari un ato iyoi cairan huani. Nan maifin Cananeofo non Hititafo non Amorreofo non Ferezeofo non Heveofo non Jebuseofo nan mai ano icafo. Nanno mai fasi sharacoin. Nanno yonofo foaisharacain tushu sharacoin futsa futsatapafo icain fona ichapa fata sharaforan,’ ” ishon yoini.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Números 13:17

Ascatan Moisés ato nichini mai Canaán ari ointanonfo. Ascano ato yoini isca huaquin, —Fari oai istafari Néguev mai anori fotacahuun. Nanno machifo ano oinshcaquin.

Números 13:30

Ascano Israelifo Moisés ahuun ointaifi nantifi ahuun caifo ichanannifo nan rama ointafo cuscan ato yoiaifoan nicanifo. Ascano nantianri Caleb ato yoisharani ratunonfoma. Ato yoiquin isca huani, —¡Ratuyamacahuun! Non afanan nan mai shara ano fononfocahuun. Nan icafo ano non ato rutushon non aton mai fiinon, —ishon Caleb ato yoini.

Números 14:25

Ascacun natian min caifo Israelifo yoihuun nasononfo. Nan Amalecitafo non Cananeofo icari foyamacahuun. Funamari unuhuan ahuun anu oshinhuuri fotacahuun. Nan tsoa istaipama ano fotacahuun, —ishon nocon Ifo Diosin Moisés yoini.

Números 14:45

Ascano nan machifoanno Amalecitafo fu Cananeofo machi tunanmanri fonifo Israelifo rutushcaquin. Ascashu ato Horma mai ano ichonifo.

Josué 10:5

Ascano nan mucu fustiti Amorreo aton niaifofoan ichanan huanifo. Jerusalén anoa niaifo non Hebrón anoa niaifo non Jarmut anoa niaifo non Laquis anoa niaifo non Eglón anoa niaifo ichanan huani aton ranushumuafo fu Gabón ano noconannifo ato rutushcaquin.

Josué 10:6

Ascan nan Gabaonitafoan Josué Gilgal anoa cunu fomani isca huaquin yoini, —Nonfin maton oinmatifoquin. Noco potayamacahuun. Amorreo niafofoan aton ranushumuaya machifo anoashu nocoqui fucani noco rutushcaquin. Ascacun oriscahuun noco numashquin, —ishon cunu fomani.

Josué 3:10

Nantofin na mai shara noco inanshquiquin nan mai anoshon caifo futsafo nocomaquishon potashquin. Cananeofo potafain Hititafo potafain Heveofo potafain Ferezeofo potafain Gergeseofo potafain Amorreofo potafain Jebuseofo potashquin. Nan ato potacun man tapitiro maton Diosi nan niafin mato fu icaquin.

1 Samuel 7:14

Ascano nan Israelifoan Filisteofo ichoni aton mai fianshcaquin. Ascano nan pushu rasi Ecrón chaicoin pushu rasi Gat ano Filisteofoan Israelifo nasonifo afanan atona inon. Ascano nan mai futsafo chaimashtari Israelifoan Filisteofo nannoshon potanifo afanan ato yonononma. Nantiancai Israelifo fu Amorreofo afanan rutunanpainifoma.