Números 13:20 - Sharanahua: Diospan Tsain

²⁰ Oinfain aton mai anomain yono foaisharatiro iyamaraimain yono foaisharatiromaquin. Ascatari nannomain nii ichapa iyamarai nii yamaicain. Ratuquima nan mai ari fotacahuun aton yonofo non aton fimifo noco fushoshcaquin non oinon, —ishon Moisés ato yononi. Nantianri uva rama oshi futsui ini.

Números 13:20 ပူးပေါင်းရင်းမြစ်များ

Números 13:19

Ascatan aton maihuunoari oinsharacahuun. Shara iyamaraimain chacaquin. Ascashon aton pushu rasi cunu cuyacoin tarati huayacunafo iyamaraimain tsoan aton pushu rasi ano cushuamaquin.

Deuteronomio 1:24

Ascatan focani machifo finonfaincani machifo nushmancayan ahuun anu Escol ano noconifo. Ascashon nanno oinnifo ahuu cuscaramainquin.

Deuteronomio 1:25

Oianfo nanno fimi sharafo ichaparasi ini. Ascashon nan nasoaifotian atiri fimifo noco fushonifo noco ismashquin. Ascatan yoinifo isca huaquin, “Na mai nocon Ifo Diosin noco inain sharacoinran,” ishon noco yoinifo.

Hebreos 13:6

Ascan iconcoin non yoitiro isca huaquin, “Un ahuara huaiton uhuun Ifoan uari ashomisi. Ascacufin un ratuima. ¿Upa Diosin ua cushuainocai nocofunufoan ua ahuusca huatiromun?” ishon non yoitiro.

Josué 1:6

Uhuun yora Israelifo min nan mai shara ano ato iyoshquin. Min shunifo un ato yoiyoni cusca na mai un ato inain. Ascacun uhuun curushhuunshon un mia amapaiyai cuscan huafafainhuun. Shinanquin isca huahuun, “Uhuun Ifo Diosin ua yonoa cuscan un atiroran,” ishon shinanhuun.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

Josué 2:1

Ascano Josué Israelifo Sitim mai ano nocofunu rafu nichini. Ato yoini isca huaquin, —Unu Jordán ocuma futsa pocufaintacahuun ahuu cuscaramain nan maiquin oinsharatacahuun noco tapimashcaquin. Man Israelifoquin tsoashta tapimayamacahuun. Nan pushu rasi Jericó anoafo oinsharacoincahuun, —ishon Josué ato yononi. Nicacatan nan rafu Sitim anoashu focani Jericó ano noconifo. Nanno ainfo furoma ahuun anu Rahab ahuun pushu muran oshanifo.

Josué 2:3

Yoiaiton nicatan niaifoan Rahab icano nocofunu nichini Rahab yoiquin isca huanon, —Nan nocofunu rafu min pushu muran iquia. Nan rafutan noco fuparapai fuafo. Nocon mai oin fuafo aton yorafo nocohuunoa tapimashquin noco rutunonfo nocon mai fiishcaquin. Ascacun nan nocofunu rafu chifi caimahuun, —ishon yoini.