Números 13:2 - Sharanahua: Diospan Tsain

² —Un min caifo mai inain ahuun anu Canaán. Nanri nocofunufo nichihuun nan mai oinsharayotanonfo. Nan icafo manifoti nocofunu niaifo fusti rasi ato catonhuun. Ascashon ato nichihuun, —ishon nocon Ifo Diosin Moisés yoini.

Números 13:2 ပူးပေါင်းရင်းမြစ်များ

Éxodo 18:25

Ascatan nan ahuun mai anoa Israeli nocofunun mapo sharayafo yafi nan isharamisifo Moisés catonni ato yorafo ato tapimamisi inonfo. Futsafo mil yorafo aton tapimamisi icaino futsafo cien yorafo aton tapimamisi icaino futsafo cincuenta yorafo aton tapimamisi icain futsafo mucu rafuti Israelifo ato tapimamisi Moisés ato catonni nan Diosin ato yoipaiyai cusca ato tapimanonfo.

Números 11:16

Nannori huaiton nicaquin nocon Ifoan cumani isca huaquin, —Min caifofo nan atohuunoa shinansharamisifo setenta niaifo patasharinoafo catonhuun. Nanfo uqui ihuuhuun. Nan pano pushu ichananti ano min ato ihuuano nanno mi fu ninonfo.

Números 13:16

Nan nocofununfoan aton anufo catoan cusca Moisés ato mai futsa ointanonfo ato nichini. Nunpan facu Oseas Moisés anu futsa tuqui huani Josuéran huani.

Números 13:3

Nan nocon Ifoan yoia cusca Moisés doce nan icafoti Israelifo manifoti ato niaifofo fusti rasi catonni. Tsoa istaipama ahuun anu Parán anoshon ato Canaán mai ano nichini.

Deuteronomio 1:15

Ascan man catonni cusca un manifoti nocofunu sharafo nan mapo sharayafo non atohuunoa shinansharamisifo un ato yononi maton niaifofo inonfo mato iquinonfo. Futsafoan mil yora iquinainno futsafoan cien yora iquinainno futsafoan cincuenta yora iquinainno futsafoan mucu rafuti yora iquintiro aton niaifo iishquin.

Josué 3:12

Ascacun natian maton caifo nan doce mani futsafoti nocofunu fusti catonhuun.