Marcos 5:7 - Sharanahua: Diospan Tsain

^7-8 Ascano Jesús yoini, —Minfin yoshin chacacoinquin. Na nocofunumaquinoashu catahuun, —huaiton. —¿Mian ahuusca huapaimun, Jesús? Diosin nai muran icaton ahuun Facufin minquin. Diosinhuunshon yoihuu min ua omitsisca huamashquima. Yoipun, —nocofunun yoshin chaca ahuun nuaton yoini.

Marcos 5:7 ပူးပေါင်းရင်းမြစ်များ

Génesis 3:15

Nan un mia yoiai cuscafin ainfo fu min noincasmatananpacunacaquin. Nan chipo oniafo furifin min noincasmatananpacunacaquin. Min ato tau chichoco nasaiton mia mapo coshapacunacaforan, —ishon yoini.

Mateo 16:16

Ascaiton Pedronun cumani, —Minfin Cristoquin. Nan Diosin nipanacaton mia catonni min ahuun facuran, —ishon yoaiton.

Mateo 26:63

Jesús puusinima. Ascaiton afanan yoini, —Diosin nan nipamisi ahuun anuhuunshon ua yoihuu. ¿Minmain Diospan Furunquin nan Diosin mia catonnimainquin? Ascan natian nannori un mia yonoi. Ua icon yoihuu, —ishon yocaiton.

Mateo 4:3

Ascaino nan yora chaca huamapaimisi aqui nocoshon yoini isca huaquin, —Min Diospan facumainquin na toquirifo misi onihuahuu, —ishon Satanás yoiaiton.

Mateo 8:29

Jesús fuchicatan oi ashcafinin yoinifo, —Minfin Diospan facuquin. ¿Min noco ahuusca huapai oamun? Min noco omitsisca huaitian icataiyamafiano min noco omitsisca huai oamun, —ishon Jesús yoinifo.

Marcos 1:24

Fiisimaino, Jesús fuchini. Fuchishon yoiquin, —¿Ahuuscain min noco fucash huai oamun, Jesús Nazaret anoaton? ¿Min noco omitsiscapanacafo muran min noco potai oamun? Man non mia onan. Diosin mia catonni. Mincai chaca huamisima, —ishon yoshin chacapan yoini.

Marcos 14:61

Jesús puusinima. Ascaiton afanan yoini, —¿Diosin sharapan mia catonnimun min ahuun facu inon? ¿Icon min ahuun facucoinmun? —ishon niaifocoinin yocani.

Marcos 3:11

Yora yoshin chacafo atohuun nuafo Jesús fuchicatan fuopacufoannifo. Ascashon yoinifo, —Minfin Diospan facuquin, —huaifoan.

Marcos 5:6

Jesús chaicunoa fuchitan aqui ichoni. Ichotan fuopacucahuatan.

Lucas 1:32

Ascano caianshu niaifocoin iishquin. Diosin nai murannoaton ahuun shuni David niaifo ipaoni cuscan arifi apahuunoashu niaifocoin iishquin.

Lucas 4:34

Asca huatan nan yoshin chacanun Jesús yoini, —Minfin Jesús Nazaret anoaquin. ¿Min noco fucash huai oamun? Noncai mi futan ahua huatiroma. ¿Omitsiscapanacafo muranri min noco potai oamun? Unfin mia onanquin. ¡Ohua! Noncai mia ahuusca huatiroma. Miamain Diosin catoancun, —ishon yoshin chacanun yoini.

Lucas 6:35

Ascacun un mato yoi. Mato noicasmaifo atohuun noicaquin ato shara huacahuun. “Ato ahuara inanyoshon ua nasoimaran,” ishon shinanchacayamacahuun. Mato nasoyamafia, “Nanscanonran,” ishon yoicahuun. Man ascacoinnashu Upa Dios ari man nocoaiton matoqui unimaqui ahuara fasi sharacoin mato inanshquin. Diosi nai muran isharacointsia. Diosin nantifi yorafo shara huaa. Tsoan “¡Aicho! Upa Diosin,” huayamafiaifoan nanfohuunri fasi noi. Yora chacafohuuri noi. Marifi nanscarifi aquin man futsafo ismatiro man Diospan facufo.

Lucas 8:28

Jesús fuchitan ratoconun mai chachipacufoan oi ashcafinin yoiquin isca huani, —¿Mian ahuusca huapaimun, Jesús? Diosin nai muran ica nantifi finoncoianton ahuun Facufin minquin. Ua omitsisca huayamapun, —ishon yoshin chacahuunshon nocofunun Jesús yoini.

Juan 20:31

Upan Diosin Jesús catonni. Afin Diospan Facuquin. Un mato cunushona cuscan nan man icoinra huanon. Icoinra huaashu man Dios fu ipanon.

Hechos 16:17

Nanton Pablo yafi noco mufoquin oi ashcafinin yoifoni, —Nan nocofunufofin nan Diosin nantifi finoanton ahuun oinmatifo. Ahuunscashumain non Dios fu ipatiroquin noco yoi fuaforan, —ishon yoini.

Hechos 19:13

Ascaifono Israelifo futsafoan nicacani Jesús icoinra huayamafiamisishaqui pushurasiti foanfafainnifo Jesús ahuun anuhuunshon yoshin chaca atomaquinoa potapaicani. Isca huanifo, —Pablonun Jesushuunshon yoimisi. Ahuunshon un mato yonoi atomaquinoashu fotacahuun, —huanifo.

Hechos 8:36

Caino atoqui unu noconi nocofunun etiope yoini, —Oinpon unu. ¿Mian na unu muran iquimatiromun un Jesús icoinra huacoinnai cuscan un ismanon? —ishon yocaiton.

Romanos 16:20

Upa Diosin nocon ointi isharamai cuscan nanton samamashta matomaquinoa Satanás anaiticoin mato afanan ahuusca huanonma. Nocon Ifo Jesús mato shara huashopainon.

Hebreos 2:14

Ascano facufo namiyacain imiya. Nanscarifiai Jesús arifi noco cuscara yoracoin cainni. Yoracoin cainnishaquin noco naashoni afanan Satanás noco ifo iyamacain noco namapacunonma. Nocohuunoashu Jesús naitian Satanás ahuun curush shatuni afanan noco ahuusca huanonma.

Hebreos 7:1

Ascatarifi natian un Melquisedechuunoa mato yoinon. Nanfin Salem pushurasi anoafoan aton niaifo iniquin. Nanrifi nantifi yorafohuunshon Dios cufimisi futsafo finoncoian ini. Nanfin Abrahamqui noconiquin. Nan mucu fustiti niaifofo yomutso chacafo ato ichoshon ahuun piaca mafofo yafi futsafoan mafoforifi afanan ato fishotani Abraham oaino nan Melquisedec Abrahamqui fai pochinin noconi ahuun pushu ano naso curani oaino. Ascashon isca huaquin yoisharani, —Abraham, Diosin mia shara huairan, —ishon yoini.

Santiago 2:19

Nan Dios fustifin man icoinra huamisiquin. Nanfin sharaquin. Ascan yoshin chacafoanri man tapiafo Dios fusticoin. Ascashu fasi aqui ratucoincani tari taricani.

2 Pedro 2:4

Upa Diosin ahuun oinmati afu ica atirififoan chaca huapaoni. Ascaifoancai Diosin ato rau huanima. Ascafia Diosinmaquinoashucai tsoa raquishta ichotirofoma. Ascashon ato faquishihuan muran potani raqui fononfoma. Nanno faquishihuan muranshon mananonfo Diosin nantifi nan Jesús icoinra huafoma onaintimaitian atorifi fuopacufoannafo muran potashquin.

1 Juan 3:8

Upa Diosin yora oni huataima yoshin chaca Satanás chaca huayopaoni. Ascan tsoan chaca huafafaini arifi Satanás ahuun yoraquin. Ascacufin Diospan Furun oniquin Satanás ahuun yono cuyoi futsunon.

Judas 1:6

Ointiaquimayamacahuun Diospan oinmati afu nai muran icafori tau cani isharacoinyopaonifo. Ascashu Diosin ato yonoai cuscan acoinyopaonifo. Ascafiashon chipo Diosimaqui ipanifo. Ascacun Upa Diosin ato faquishihuan muran munushushon ato manamayoi. Ascashon chipo nantifi icoinra huafoma onaintimaitian ichanan huashon omitsiscapanacafo muran ato potashquin.

Apocalipsis 12:12

Ascacufin man nai muran Dios ari icafo unimacahuun. Nan icoinra huafoan Jesushuunshon man Satanás finoncoian. Ascashon Satanás nai muranshon man potafo. Ascafia nan mai ano icafoqui man nocoa. ¡Ohuashta! Mai anoafo yafi unuhuan anoafori fasi omitsiscashcani. Satanás man tapia ahuutianran Jesús mai ano nocoriscashon omitsiscapanacafo muran a potashquin tsoa afanan chaca huamanonma. Nanscara man tapiashu Satanás fasi sinacoinquin nantifi manifoti ato omitsiscamapai Jesús fu ipanonfomaran,” ishon yoia.