Marcos 4:18 - Sharanahua: Diospan Tsain

^18-19 Ascan un mato yoiai cuscan ushu futsa tasha muran foaicashu foaisharanima. Nanscarifiai futsafoan Diosin tsain nicafiai chipo ahuara futsa chaca shinanquin. Shinanchacafain pui ichapa noifain, “Un pui ichapayashuraca un isharatiroatin,” ishon amaquiri shinanquin. Diosin tsain afanan shinainma. Ascano Diosin tsain nicafiaquin ahuara futsa shinaintocai ahua Dios ashotiroma.

Marcos 4:18 ပူးပေါင်းရင်းမြစ်များ

Mateo 13:22

Ascan ushu futsafo moshafo muran pacuashu foaisharatiroma. Nanscarifiai futsafoan Diospan tsain nicafiashon ahuara nan acai cuscan fustisi shinain. Ascashon pui ichapa yafi mafo ichapa noi afi paramuquicai afanan Dioshuunoa shinantiroma. Ascaquicai Diosin ato amapaiyai cuscan futsafo shara huatiroma.

Marcos 4:7

Ushu rananri tasha murannoashu foaisharanima. Ascatari fiminima.

Lucas 8:14

Ascan nan ushu futsafo moshafo muran pacuashu foai sharatiroma. Nanscarifiai futsafoan Diospan tsain nicafiashon ahuara nan acai cuscan fustisi shinanfain pui ichapa yafi mafo ichapa noiqui itiashmashtafi Dios cachiquiri huai. Ascaquicai Diosin ato amapaiyai cuscan huacanima. Ahuarafo futsafohuunshosi ato nomuran afi unimamapaicani.