Marcos 2:8 - Sharanahua: Diospan Tsain

⁸ Ascaifoan shinainfo cuscan Jesús onanshon ato isca huani, —¿Ahuuscaquimun maton nomuran amaquiri man shinaincain?

Marcos 2:8 ပူးပေါင်းရင်းမြစ်များ

Salmos 139:2

Un tsaocain nicun man min tapian. Uhuun shinanpan un shinantaima man min tapian.

Mateo 12:15

Jesús tapitan a rutupaiyaifoanno anoashu cani. Yorahuanrasiton mufainifo. Ratomain isinincai nanfo cayahuamani.

Mateo 16:7

Nicai nofi ranan non yoinanni, —¿Ahuuscaimun Jesús noco yoiqui isca huaiquin, “Fariseofo futan Saduceofoan aton misi farashati fiyamacahuun,” noco huai? Non tushu fucuma racan noco isca huaiquin, —icashu non yoinanni.

Mateo 9:4

Ascaifoan onanshon Jesús ato yoiquin isca huani, —¿Ahuuscai maton nomuranshon man amaquiri shinanchacaimun?

Marcos 2:7

—¡Ajaa! ¿Ahuuscain na nocofunun anori yoimun? Diosin fustitofin chaca soatiroquin. Nocofin fuparaniquin. “Un Diosiran,” ishon. Anori yoiquifin “Upa Diosin chaca huaiquin,” —ishon aton nomuran shinannifo.

Marcos 2:9

Unfin Cristoquin un yorafo aton chaca soashotiroquin. Un chaca soafain un ahuamamishti huatiro un mato oinmanicain. Upa Diosin ua catoan. Ahuunshonfin un yorafo aton chaca soashotiroquin, —ishon ato yoini. Asca huatan nocofunu yoratishon charishi futsua yoini,

Marcos 7:21

Yorafoan aton nomuran ahuara shinanchaca cuscan huatirofo. Isca huaquin, shinanchacafain nocofunu yafi ainfo chaca huatanantirofoquin yomutso icain rutumitsapaimisi icain aton ahuinma chotafain aton funumari chotamafain

Lucas 24:38

Ascaifoan Jesús ato yoini, —¿Ahuuscai man ratuain? ¿Ahuuscai maton nomuran man icoinra huaimamun?

Lucas 5:22

Ascaifoan onanshon Jesús ato yoiquin isca huani, —¿Ahuuscaquimun mato nomuranshon man amaquiri shinanchacaiquin?

Lucas 6:8

Ascashon a shinainfo cuscan onanshon Jesús a nocofunun musufimua yoini, —Funinaca huahuun. Mia oinonfo, —ishon yoiaino nan yoiai cuscacoin ani.

Juan 21:17

Ascaiton afanan yoca futsani, —Pedron, minfin Juanpan facuquin. ¿Mianmun noiquin? —huaiton. Yocariaiton Pedronun fasi ointi noconi. Ascashon afanan cumani, —Ifon, minfin ahuamamishti tapiaquin. Man min tapiari un mia fasi noicoin, —huaiton. —Ascan ua tanamisifo cushusharahuu ua tanasharanonfo.

Juan 6:64

Ascafia man futsacai ua icoinra huaimaran, —ishon Jesús noco yoini. Noco catoaintian afincoin tapiyoni ratotomain achimanicain.

Hechos 5:3

Ascaiton Pedronun yoiquin isca huani, —¿Ananías, ahuuscaimun Satanás min nomuran yonoaino min Diospan Yoshin Shara paraincain? Min mai inanmitsashon pui fia atifincai min noco inanma. Atirifi min mucua mina inon.

Hechos 8:22

Min nomuran min shinanchaca cuscan mun onan. Mincai Diospan yonomisifoan atiro cuscan min atiroma. Ascan min chaca mimuran fospicoian. Chaca min ifo. Ascan nocon Ifo Jesús cufihuun min nomuran min shinanchaca cuscan rau huanon, —ishon Pedron yoini.

Hebreos 4:13

Nantifi onihuani Upa Diosin onancoian. Tsoancai otayamafain tsoanricai fomantiroma. Nantifi non amisi cuscan huafain non shinanmisi cuscamain Diosin onancoiaiton. Ascan chipo ahuun ointaifi non aqui nocoaitian nantifi non amisi cuscan huafain non shinanmisi cuscan noco puashopacushquin.

Apocalipsis 2:23

“Ascano ahuun tanamisifori un namaquin cuyoshquin. Un asca huaiton nantifi ua icoinra huafo maifoti anoafoan tapitirofo un nantifi yorafo onancoian. Ascashon aton nomuran shinainfo cuscan un onancoian. Tsoancai ahuashta ua fomantiroma. Ufimain un nantifi onancoincun. Ascacufin nan shara huamisi urifi un ato shara huashquin. Ascan ratoran futsan chaca huamisi nanrifi un onaintimashqui.