Marcos 16:1 - Sharanahua: Diospan Tsain

¹ Ascano Israelifoan aton tunutitian cuyoano María Magdalena non María futsan Santiago ahuan non Salomé non afoan ininti sharashta finifo Jesús ahuun cayaqui ocashcaquin.

Marcos 16:1 ပူးပေါင်းရင်းမြစ်များ

Génesis 50:2

Chipo Egipcio aton caya huamamisifo José yononi apa Israel ahuun caya potunonfo. Ascashon ahuun poco tsucannifo funa ahuun caya payocononma. Nansca huanifo.

Marcos 14:3

Ascano Jesús Betania ano cani. Cai Simón pushu muran iquini. Nan Simón nami rashquishi futsua ini. Nannoshon Jesús Simón acamaquishon piti ano tsaocun ainfoan toquiri moti tsomashu otan aqui ocashquin. Nan toquiri ahuun anu alabastro moti huamua. A muran ininti fospi huani. Ininti ahuun anu nardo fasi pui nua. Ascano ainfoan motica fuputan Jesús ahuun mapoqui ininti ocani.

Marcos 14:8

Na ainfoan nan oiainshta ua shara huaa. Yora maiaquin ininti ocamisifo cuscan un nataiyamafiaiton na ainfoan ua shinanquin uqui ininti ocayoa. Ua ashquiai cuscan uqui ocaquin tau huaa.

Marcos 15:40

Nannoshori ainfofoan chai mapo casho oinnifo. Futsan María Magdalena non María futsan Santiago non José aton ahua non Salomé.

Marcos 15:42

Ascatan sabado fainaca shafatan Israelifoan nan shafan anunifo, —Itisharati shafaran, —ishon anunifo. Nan itisharati shafatan man fari caino nocofunu José ratutama Pilato niaifo ano cani. Nan José arifi Israelifoan aton niaifo futsan. Arimatea mai anoa ini. Nanton manamisi Cristo Diosin catoanton aton niaifo inon. Nanscacaini cashon Josén Pilato yoini, —Niaifon, un Jesús ahuun caya ihui coyan iquinanmaquinoa fotomapai mahua quini muran mai huai cashquin. Un mia yocai oa, —ishon yoini.

Marcos 15:47

Mai huaifono María Magdalena futan María futsan José futsan ahuan nannoshon oinnifo.

Marcos 16:2

Ascano iyoconaino nan Domingoai shafatan funamarishta ainfo rafu non fusti Jesús mai ano fonifo yoinanfonifo, —¿Nocomain tsoa toquirininhuan quini fupushonan? —icashu ainfo rafu non fusti yoinannifo.

Marcos 16:8

Nicafaini nan ainfo rafu non fusti mahua quini murannoashu ichonifo. Ichoainfoancai icoinra huaquin rashquinifoma. Ratufaini focaquin rama oianfo cuscan tsoa yoinifoma.

Lucas 23:54

Tunutitian man nococuanaino Jesús mai huani. Nan shafatan itishara huamisifotian ini.

Lucas 23:56

Ascashu nan ainfofo afanan aton pushu ano nasofainifo. Ininti shara itishara huai focani. Unupa yafi mutopa inin shara fii focani fonifo. Jesús ahuun caya camaqui ocashcaquin. Ascafiaino tunutitian nasoyonifoma. Finonyocani. Israelifoan yononi cuscan tunutitian tsoa raqui cayotiroma ini. Ascacun nan nicacoinnifo.

Lucas 24:1

Israelifoan tunutitian iyoco futsaino funamanrishta aton ininti rafu ya Jesús maia ano fonifo. Iquisi ininti ati shara huafaincani.

Juan 19:25

Jesús mastafo chaimashta ahua non ahuun achin nan Cleofaspan ahuin non María Magdalena non afo nanno chaimashta ninifo.

Juan 19:31

Iyoco futsaino nan fusititian Diosin oinmati nan afu imisiton nocon caifo Israelifo aton shunifoan facu iyoafofo finonmani shinantanfafainpaonifo ini. Ascano Jesús yafi yomutso rafu ihui coyan iquinanqui nanno mastaifoanno nocon niaifofoancai fusititian oinpainifoma. Ascanofin Pilato ano fonifoquin, —Funamanri nocon fusititian. Jesús yafi yomutso rafu ato fitucucahuun nariscanon. Mai huariscanonfo nocon fusititian mastafo ano ninonma, —ishon nocon niaifofoan Pilato yoinifo.