Marcos 14:1 - Sharanahua: Diospan Tsain

^1-2 Ascano Jesús ato yoini natianri fusiti shafa nococuanaino. Nannoshon misi farashati maisi piinifo. [Nan fusiti Israelifoan Egipto mai anoashu fonifo shinantacani. Nantianri Egipciofoan aton facu furonanfacu iyoafofosi Diosin namaquin cuyoiquin. Israelifo ato muran ipaonifiacanashu Egipciofoan aton facufo namafiaquin Israelifoan aton facufo finonmani. Ascan faritifi ichanancashon Upa Diosin aton shunifoan aton facufo finonmani nanonfoma shinantacani. Ascan nan fuusiti anumisifo nocon shunifoan aton facufo finonmaniran.] Nantianri nocon yorafohuunshon Dios cufimisi niaifofoan Moisés cununi cuscan tapimamisifo futan ichanancashon isca huaquin yoinifo, —¿Ahuuscashomun non Jesús rutumatiroquin? ¿Ahua chacamain ahuunoa non yoiqui rutumashquin? Natian fusimuainocai non achimatiroma. Yorafo fasi sinacani mucatirofo, —icashu yoinannifo. Jesús onushta rutumapaicani.

Marcos 14:1 ပူးပေါင်းရင်းမြစ်များ

Génesis 37:18

Caiton chaicunoa iyoa rananun fuchinifo. —Non rutunon oiquin, —icashu yoinannifo.

Salmos 62:9

Niaifocoinfo non yora ahuamafo nocon Ifo Diosin ato oin nanscara rafu. Nan rafu ahuun ointaifin ahuama. Balanzanun ato tanan huai cafisca huai aton ihuucai ayama.

Éxodo 12:1

Ascaino nocon Ifo Diosin Egipto mai anoshon Moisés yafi Aarón yoini isca huaquin,

Mateo 12:14

Ascaiton oincanashu Fariseofo focashon shinannifo —¿Ahuuscashomun non Jesús achitiroquin rutushquin? —icashu yoinannifo.

Mateo 6:2

Nan paramisifo cuscara iyamacahuun. Nanfoan atohuunoa yorafo shinansharamacani isca huaquin, “Nan yora fasi sharacoin. Futsafo shara huashoanran,” ishon nannori futsafo atohuunoa shinanmapai. Nantifi ato ointaifi yora shara huapai ato oinonfo. Ascara chaca. Upa Diosin atoqui unimaima. Futsafoan ato, “Min shararan,” huatirofiaino Upa Diosincai atohuunoa tsain shara yoishquima. Atoqui unimaima. Ascan marifi ato cuscara iyamacahuun. Futsafo ato ointaifi ahuuoma inanpaicahuun mato oinonfo. Ascaquimarocon tsoa futsa oinyamaino man ahuuoma inanquin Upa Diosin oin matoqui unimai mato ashosharatiro.

Marcos 14:12

Ascano shinantani Israelifoan aton fuusititian nocoaino misi farashati maisi pimisifotian. Nantianri chashoanun facu piinifo. Nan chashoan facu faritifi rutupaonifo Diosin aton shunifo cushuni shinanonfo. Ascano Jesús fu rafumisifo aqui fucashon yocanifo, —Ifon, Diosin nai oinmati nan afu imisiton nocon shunifoan aton facu iyoafofosi finonmani aton rutuquima. Non faritifi ichananmisi anori shinanshquin. Afanan natian non atiroquin. ¿Ascan rato pushu muran non mia itishara huashoimun nannoshon mi futan chashoanun facu piishquin? —ishon yocaifoan.

Juan 11:47

Ascaiton nicacanashufin Fariseofo yafi nocon yorafohuunshon Dios cufimisi niaifofo ichanannifoquin. Ichanancashon yoicaquifin, —¿Nonmun ahuusca huaicai? Jesús tsoan atiroma cuscara ahuarafo huaiquin.

Juan 13:1

Diosin oinmati nan afu nai muran icaton nocon shunifoan aton facu iyoafofosi finonmani ato rutunonma nan fusitin chaima. Jesús onanni iyoconaino rutuaifo. Mai anoashu Apa ari caanon. Non afu rafumisifo nuno mai ano niyoshon noco noiyopaoni cuscan natian noco isma nocohuun noi finacoinquin.

Hechos 12:4

Achimashon cunu muran iquimani. Ascashon ranushumua dieciseis cushuriapaonifo. Nantianri Israelifoan aton fuusititian Diosin nai oinmatinin aton shunifoan facu iyoafofosi finonmani shinanshcaquin. —Nan fuusititian cuyoano un Pedro cunu murannoa cainmayoshquin ahuun caifoan oinonfo. Ascano un yoishquin nanton chaca huaquin rutucahuun un ato huashquinran, —ishon Herodes shinanniquin.