Lucas 9:28 - Sharanahua: Diospan Tsain

²⁸ Ascashu ocho osha finontan Jesús Pedro non Juan non Santiago nan rafu non fusti ato machi ano iyoni. Apa Dios cufi caquin.

Lucas 9:28 ပူးပေါင်းရင်းမြစ်များ

Mateo 14:23

Ascashon man ato nichiqui anaititan arus fusti machi ano caashon Apa Dios fu tsainni. Man fari caino arus fusti ini.

Mateo 5:1

Yorahuanrasi aqui fuaifoan oin Jesús mapufaintan machi pochinin tsaoni. Nanno tsaoano ahuunshon tapiafo a shinain caiton noco yosiquin isca huani.

Marcos 1:35

Ascatan shafacuaino pushu murannoashu Apa Dios cuficai tsoan istaipama cani.

Marcos 6:46

Ato nichitan arus fusti machi mamaqui caashu Apa Dios fu tsainni.

Lucas 3:21

Juan cunu muran iquiataima yorafo unu muran iquimapacuni nantianri Juanpan Jesusrifi unu muran iquimani. Asca huatan cainmainifoannaino Jesús Apa Dios cufini. Ascaino nai murannoashu ruhui cuscara Diospan Yoshin Shara nai ariashu aqui fotopacucahuani. Fotoaino nai murannoa oi nicani yoiquin isca huaiton, —Min uhuun Facucun fasi un mihuu noicoin. Un miqui unimacoinran, —ishon Apa Diosin yoini.

Lucas 5:16

Ascacaini cashon tsoan icamanoshon Apa Dios cufin capaoni.

Lucas 6:12

Shafa futsaino Jesús machi ano mapuni Apa Dios cufishquin. Ascano nannoshon yamutishon apa cufishini.

Lucas 8:51

Ascatan pushu ano nocoshon Jesús yoini, —Pedro yafi Juan non Santiago non facun ahuun apa non ahuari marusu ufu pushu muran iquicahuun, —ato huani.

Lucas 9:18

Ascatan shafa futsa Jesús afu rafuafo ointaifi apa Dios cufini. Cufinquin anaititan ato yocani, —¿Yorafoan shinanmun un tsoaquin? —ishon ato yocaiton.

Juan 6:3

Nocon caifo Israelifoan nocon fusititian Diosin ahuun nai oinmatinin nocon shunifo aton furu iyoafofosi finonmani nanonfoma. Nan shafan nocoti chaima. Nantianri Jesús cusumunri nocoshon nonfin afu rafumisifori machi ano caashu nanno non tsaoyoni.

2 Corintios 13:1

Mun mato oinqui rafu huaa. Natian un afanan mato oincai. Diospan tsain noco yoiquin isca huani, —Tsoan yoiquin isca huai, “Nanton chaca huaran,” ishon yoiaino. Rafu non fustiton nannorifosi yoiaino iyamarai rafutan nannorisi yoiaino non icoinra huatiro, —ishon Diosin tsain cununi.

Hebreos 5:7

Jesús mai ano iyoashu omitsiscapaoni. Ascashu nocohuunoashu naitian oi ashcafinin uaiyanan Apa Dios cufinquin isca huani, —Upashtan, mian numapaiquin mian numatiro un nanonma. Ascafia un apaiyai cuscan huaima nan mian amapaiyai cuscan fusti ua huahuun, —ishon Apa Dios yoini. Ascashon nan Apa amapaiyai cuscan fustisi shinanquin cufiai cuscan nicacoinni.

2 Pedro 1:16

Ascacun nonfin mato tapimamisi nocon Ifo Jesucristo ahuamamishti huatiro, —Afin chipo nocoqui nasoshquiran, —ishon non mato yoimisi. Non mato yoimisi cuscan nocofunufoan aton nomuranshon shunipafo onihua cuscacai non mato yoimisima. Noficoin non oinmisi cuscan non mato tapimana. Upa Diosin Jesús chashamapacufoannaiton man non oinni.