Lucas 8:48 - Sharanahua: Diospan Tsain

⁴⁸ Ascaiton, —Achishtan, ua icoinra huashufin min cayaquin. Caasharatahuun, —ishon Jesús yoini.

Lucas 8:48 ပူးပေါင်းရင်းမြစ်များ

Éxodo 4:18

Ascano Moisés afanan ahuun raisi Jetro ahuun pushu ano nasoni. Ascashon ahuun raisi yoiquin isca huani, —Anifon, un Egipto ano capaicai. Ua nichipun. Uhuun caifo un afanan ointanon atirifimain man naafoquin, —ishon Moisés yoiaiton. —Shara. Minfin catiroquin. Casharatahuun. Min atoqui noco sharapainonran, —ishon ahuun raisi Jetro cumani.

Mateo 12:20

Nan yora omitsiscai afanan tunutirofoma ato potaima ato cushusharai tunumashquin. Tsoan icoinra huapai ato yoisharashquin icoinra huacoinonfo. Ascan huaino afanan mai ano oaitian nantifi chacafoti unumashquin ahuunshon nantifi ishara fustisinonfo.

Mateo 8:13

Ascashon Jesús Romanon ranushumua niaifo yoini, —Min ua icoinra huaino min oinmati man caya. Ascan natian min pushu ano catahuun, —ishon yoini. Jesús yoiaitian ahuun oinmati cayariscatani.

Mateo 9:2

Asca caini pushu muran iquicun rafu non rafuri nocofunufoan aton caifo isinincai afi raqui caiyamacai afiri ahua huatiroma Jesús shinanmaqui shuhua naratashon ihuunifo a cayahuamanon. Ascaiton Jesús oian nan nocofunu isinincaiton ahuun yorafoan fasi icoinra huaifoan oinquin isinincai yoiqui isca huani, —Uhuun yorashta, ratuyamahuu. Natian mun mia chaca soashona, —huaiton.

Mateo 9:22

Ascashon muuaiton Jesús ifiacucahuatan ainfo fuchishon yoini —Achishtan, ratuyamahuu. Min ua icoinra huashufin min caya sharaquin, —ishon yoiaino ahuun imi nusuriscatani. Ascaiton mua man caya sharacoian ini.

Marcos 5:34

Nicaquin yoini, —Achishtan, mian icoinra huashu min cayaquin. Ratuyamahuu. Min ointi muran unimahuu. Min afanan omitsiscaimacai. Min pushu ano casharatahuun, —ishon Jesús ainfo yoini.

Lucas 17:19

Asca huatan a Jesús yoini, —Funicaitahuun. Min ua icoinra huashufin min cayasharaquin, —ishon Jesús yoini.

Lucas 18:42

Ascaiton afanan Jesús cumani, —Ua icoinra huashon natian min oinsharairan, —huani.

Lucas 7:50

Ascashon Jesús afanan ainfo yoiqui isca huani, —Mian icoinra huaitofin un mia numaquin. Caasharatahuun, —ishon Jesús yoini.

Lucas 8:47

Jesús yoiaino ainfoan tapini Jesús man onan. Ascacun raquicai onutiroma oin ratui taritari iyanan yora huanrasiton ointaifi Jesús nia naman ratoconun mai chachishon nan ica cuscan yoini, —Un imi imitiani doce fari man uqui caa. Tsoancai ua caya huamamisima. Ascacun min sahuuti muuashu un imi shaturiscaran, —ishon ainfoan Jesús yoini.

Hechos 14:9

Pablonun ato yoiaino arifi nicacoinni. Ascaiton fuisquin Pablonun ahuun nomuran shinanni, —Na nocofunu Jesús caya huamatiro icoinra huanon, —ishon shinanni.

2 Corintios 6:18

Ascatan un maton Upa inon. Man uhuun facu nocofunufo yafi ainfofo inon,” ishon nocon Ifo Diosin yoini. Nan onihuafoti ato iquinaquin.

Hebreos 4:2

Upa Diosin nocon shunifo tsain shara yoiquin isca huani, —Un mato numai. Mato fu mai shara ano ishquin un mato iyoicai. Nannoashu man ufu rafuaitocai afanan tsoa futsan mato ahuusca huatiroma. Nannoashu man isharacoinon, —ishon ato yoini. Ato yoiai cuscan nicafiashocai icoinra huanifoma. Nanscashofin ipaitsicoin nicanifoquin.

1 Samuel 1:17

Ascaiton Elí cumani isca huaquin, —Ascacun afanan shinanchacayamahuu. Min Israelifoan Diosi cufian cuscan mia ashopainonran, —ishon Elí yoini.