Lucas 7:33 - Sharanahua: Diospan Tsain

^33-34 Nanscarifi aqui nanfoanrifi Juan yafi uqui tsain chipufafainmisi. Ascafia Juanpacai piqui tunufain fimi unu pau ayamisima. Ascacun ahuunoa yoiqui isca huamisifo, “Juan nisocoin. Yoshin chaca ahuun nuaran,” ishon yoimisifo. Asca unfin piisharafain un ayasharamisiquin. Ascafia uhuunoari yoiqui isca huamisifo, “¡Cuu! Jesús pitsicoin fasi ichapari ayatiroran huafain Roma anoa niaifo puifishomisifo yafi yora chacafo furi rafuiran,” ishon uhuunoa chaca yoimisi.

Lucas 7:33 ပူးပေါင်းရင်းမြစ်များ

Mateo 3:1

Ascatan man fari ichapa finoanno nan Juan yorafo unu muran iquimamisi tsoa istaipama Judea ano cani.

Mateo 3:4

Ascano camello inapan ahuun rani sahuuti huashon Juanpan sahuua ini. Ascashon yoina fichin aqui nanushumuni. Ascatan ocutsuru pifain afuchi fona ayani.

Marcos 1:6

Camello inapan rani ahuun camisa huashon Juanpan sahuua ini. Ascashon yoinaton fichi aqui nanushumuni. Ascashori ocutsuru pifain afuchi fona ayani.

Lucas 1:15

Ascano Upa Diosirifi aqui unimashquin. Nocofunu fasi sharacoin iishquin. Ascashocai ahuara pau ayapacunacama. Fimi unu pau ayayamafain ayati futsa pauri ayashquima. Caiyaintian Diosin Yoshin sharapan nan iquishquin.

Lucas 7:32

Nanfofin nan facu cashumisi cuscarafoquin. Facufo cashucaquin afu facu futsafo oi ashcafinin cunatirofo. Nanscarifiai nanfofin nanscarafoquin. Ascan nan facu cashumisifoan yoitirofo isca huaquin, “Man non shainti manufiainocai monopaicanimaran,” ishon yoifain “fanainca omitsiscati cuscara non fanaifiainocai man uaipaimaran,” ishon nan facu cashumisifoan yoitirofo.

Juan 10:20

Atirifoan yoiquin isca huanifo, —Aafin nisocoinquin. Yoshin chaca ahuun nua. ¿Ahuuscaquitsi non na nocofunu nicatiro? —ishon yoinifo.

Juan 8:48

Nicacashon nocon caifo Israelifoan cumanifo, —Icon man non yoimisi. Minfin Samaritanonquin. Yoshin chaca mihuun nuumisi, —huaifoan.

Juan 8:52

—Natian man non tapicoin minfin yoshin chacayaquin. Abraham non Diosin tsain yoimisifori man naafianicun min noco yoia, isca huaquin, “Tsoan uhuun tsain nicacoianshu nacointamarocon nisharapacunacaran,” ishon min noco yoia.

Hechos 2:13

Ascano futsanfoan ato cashu mutsama huaifoan, —Na yorafo pauncaniran, —ato huanifo.