Lucas 6:21 - Sharanahua: Diospan Tsain

²¹ Man natian Dios fu rafupaicain ahuun tsainri man tapipaiquin finai a cuscara shara iishcaquin. Man ascafia Diosin chipo mato imasharai a cuscaracoin man inon. Natianri man uaifiashu chipo man shuchitiro. Ascacun unimacahuun.

Lucas 6:21 ပူးပေါင်းရင်းမြစ်များ

Génesis 17:17

Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?

Génesis 21:6

Ascashon Sarapan shinanni isca huaquin, —Tsoancai shinanmisima un facu nanuai Abraham furun iishquiai. Abraham anifoshtafiashon u futan furun aca. Ascan Diosin ua shuchimana cuscan arifi nicain shuchitiroforan, —ishon Sarapan shinanni.

Salmos 107:9

Tsoa nomicoiaiton nocon Ifoan ato nomi shatuin afanan tsoa nominonma. Fonaincaifoanri ato ahuara shara inain piicani mayan sharanonfo.

Mateo 5:4

Ascan tsoara futsa uaiquin omitsiscafiashu chipo unimatiro. Diosin atohuun ramapaiquin aton ointi main huamatiro.

Mateo 5:6

Ascan nan ratoranfo Diosifu ipaiquin ahuun tsain tapipaiquin finaifo a cuscara shara iishcaquin. Nan cuscarafoan fuchipaiyaifo cuscan Dios ato imatiro a cuscara shara inonfo.

Lucas 1:53

Ratoran futsa ahuuomafo foni cuscarafo fasi Diosihuunoa tapipai tanasharashcaquin. Nanscarafo Diosin ato cushusharatiro. Ascashon ahuara yopai cuscan ato inansharafain a tanasharaifoanri ato unimamashquin. Ascashon ahuara ichapa ayafofiashu Diosihuunoa shinanyamaifo copiquirifi ato ahuara inainma. Man mafo ichapayafiashu ato nomuran shinansharayamafain tsoa unimamisima.

Lucas 6:20

Ascatan Jesús afu rafumisifo oinquin ato yoini isca huaquin, —Man ahuuomafiashu chipo Dios niaifo icari matonari iishquin. Ascacun ahuuomafiashu unimacahuun.

Lucas 6:22

Futsafoan uhuunshon mato noicasmaquin mato potafain mato roafain matohuunoa tsain chaca yoicani. Nanscarifi nan Diosin tsain yoimisifo mato shunifo omitsisca huapaonifo. Ascan matori omitsisca huafiaifoanno chipo man Upa Diosqui nocoaitian fasi sharacoin mato inanshquin man afu ipanon. Ascacun unimacoincahuun, —huani.

Lucas 6:25

¡Ohua! Natian man shinanquin isca huaa, “Un ahuara yopaima. Un ica cuscan shara. Uncai ahua futsa shinanpaimaran,” ishon man shinan. Ascafia ohua. Man chipo mato nomuran shinansharapaifiashu man omitsiscapanaca. Man fasi numamisi yopapacunaca. Natian man shuchisharai. Dios shinantama. Ascafiashu chipo uaiqui man omitsiscapanaca.

Juan 11:35

Oinyopon huaifono, Jesús uaini.

Juan 4:10

—Diosin mia inanpaiyai cuscan onanfain tapishonfin min ua unu yocacuanaquin. Na unun mia nimapacutiro, —Jesús huaiton.

Juan 6:35

Ascaiton Jesús ato cumaquin, —Unfin nan tushucoinquin. Tsoan fonicoin cafiscai ua onancoinpaiquin ua tanaino aton nomuran fucashtamarocon isharapacunaca. Nanscarifiai tsoan nomicoin cuscara ua fasi fuchipaitan ua icoinra huacun un ato nimapacunaca. Acai afanan funopacunacama. Isharapacunaca.

1 Corintios 4:11

Ascan nonfin foniyanan nomicain sahuuti chocacoin sahuufain noco coshafain pushuomacainri Diosin tsain fusti yoi non cahuancacaimisi. Natianri non omitsiscai.

2 Corintios 11:27

Un isin mufiain un fasi curushcai yonomisi nan un yamu ichapa osha tunufain un foniyanan nomicain piqui tunufain fasi un matsinacain sahuutiama icain.

2 Corintios 12:10

Ascano un mutsisipamafiashu Cristohuunoashu un unimai. Ascashon ua roafain ahuara chaca finoin omitsiscamafain ahuarafoan ua fucashni huafiaino un unimaquin tunutiro. Un asca huaquifin un mutsisipamafiashon Cristohuunshon un ahuamamishti huatiroquin.

2 Corintios 6:10

Uhuun nomuran un omitsiscafiai uhuun Ifo Jesushuunoashu un unimamisi. Un ahuuomafiashu un Dioshuunshon futsafo un imasharamisi. Un ahuuoma shinantsa afiai nantifi Diosinari uhuunari.

Santiago 1:12

Tsoan omitsiscafiaquin tunucoianfin nanfin unimacoin itiroquin. Ascacun Upa Diosin ahuunoa yoiyoni isca huaquin, —¡Aicho! Mian nicasharafain niyoshon mian noimisi. Ascashufin natian min ufu ipatiroquin, —ishon yoini.

Apocalipsis 21:3

Ascan Upa Dios tsaoa ano oi ashcafinin un nica. Yoia isca huaquin, —¡Aicho! Natian Upa Dios yorafo fu iishquin. Ato muran iishquin nanfo ahuun yorafo inon. Aafin aton Diosiri iishquin.

Apocalipsis 7:16

Diospan Furun nan chashoan facu cahuanshara cuscara Upa Dios fu imisi naanfin ato cushumisi ipashquiquin. Ascanocai afanan tsoa foniyamacai nomipacunacafoma. Afananricai farin ato tsacaima. Ascashon Jesús ato iyoaino unimapacunacafo. Ascacun Upa Diosin aton ointi fupuashoshquin afanan uainonfoma, —ishon yoia.