Lucas 5:21 - Sharanahua: Diospan Tsain

²¹ Nicacani Fariseofo yafi Moisés yononi cuscan tapimamisifoan yoinifo, —¡Ajaa! ¿Na nocofunumun tsoaquin? Fasi Dios chaca huai. Natocai chaca soatiroma. Diosin fustitofin chaca soatiroquin. Ascan naton noco parapai. “Un Diosiran” noco huamapai, —ishon aton nomuranshon shinanchacanifo.

Lucas 5:21 ပူးပေါင်းရင်းမြစ်များ

Salmos 103:3

Un chaca hua cuscan nantifi Diosin ua rau hua afanan afohuunoa shinanonma. Un pau futsa futsatapafo fuchia cuscan nantifi Diosin ua caya huamisi.

Salmos 130:4

Ascafia mincai ascarama. Min noco rau huai non mia chaca hua cusca afanan min shinainma. Ascan non mihuunoa shinansharacoin. Tsoa futsa mia cuscarama. ¡Aicho, Ifon!

Salmos 32:5

Upa Diosin ipaitama un chaca hua cuscan mun mia yoia. Uncai afanan mia fomainma. Mun yoia isca huaquin, —Natian un chaca hua cuscan uhuun Ifo un yoiquin, —ishon un yoiaiton min uhuun chaca ua soashona. Minfin ua rau huaquin afanancai uhuun chacahuunoa min shinainma. Urifi uncai afanan uhuun chacahuunoa shinainma. Uhuuncai afanan chaca nuama.

Daniel 9:19

Nocon Ifon ua nicapun. Ifon, noco rau huapun. Ifon ua nicafain un mia cufia cuscan noco ashopun. Mihuunoa yoisharaifo cuscan manayamahuu. Nocon pushu rasi nantififain tapianfo nanno min noco fu iyopaoni. Nonrifi min yorafoquin. Min anuhuunoa futsafoan nocohuunoa yoipaonifo. Noco numapun, —ishon un nocon Ifo Diosi cufia.

Daniel 9:9

Non yoitimacoinshon non mia cachiquiri huaa. Ascafia min nocohuun ramapaitan min nocon chaca rau huashotiro.

Mateo 26:65

Ascaiton nicai nocon yorafohuunshon Dios cufimisi niaifocoin, —Un Diospan Fururan, —Jesús icaiton nicai fasi sinacoinni. Ascacun ahuun sahuuti fashnuqui yoini, —Noncai afanan yorafoan Jesusqui tsain chaca huai yopaima. Manmain noficoin ahuun tsain chaca nicayamaifin, “Un Diospan fururan,” iquifin Dios chaca huaquin.

Mateo 9:3

Nicacani Moisés cununi cuscan tapimamisifoan aton nomuranshon shinanquin isca huanifo, —Ajaa. Natocai chaca soatiroma. Fasi Dios chaca huai. Diosin fustitofin chaca soatiroquin. Asca noco paraquin. “Un Diosiran,” noco huamapai, —ishon aton nomuranshon shinanchacanifo.

Lucas 3:8

Ascafia chaca shatucoincashon Diosin mato yoia cuscan nicacoincahuun. Man ipaoni cuscari afanan ayamacahuun. Man ascaiton yorafoan ointirofo afanan chaca huapaitama Dios fusti man tanasharaiton. Maton nomuran shinanquin isca huayamacahuun, “Nonfin Abraham funafo non ahuun caiforiquin iyamacahuun. Diosin Abraham yoiyotiani cuscan nocorifi ashotiro. Ascan Diosin noco onaintimashquimaran,” ishon anori shinanyamacahuun. Diosin onihuapaiquifin na unu cusumunnoa toquirifo Abraham ahuun funafo oni huatiroquin.

Lucas 5:17

Shafa futsaino Jesús ato yosini Fariseofo yafi Moisés yononi cuscan tapimamisifori nanno tsaoacunifo. Ascaino pushurasiti Galilea anoafo yafi Judea mai anoafo non Jerusalén anoashuri aqui funifo. Diosin curushhuunshon Jesús isinincaifo nannoshon ato caya huapacuni.

Lucas 5:22

Ascaifoan onanshon Jesús ato yoiquin isca huani, —¿Ahuuscaquimun mato nomuranshon man amaquiri shinanchacaiquin?

Lucas 7:49

Ascaino Fariseo pushu murannoafo afi ranan yoinannifo, —¿Tsoamun na nocofunuquin? Fasi chaca huamisifo ato chaca soashofain ato rau huatiroran, —icashu yoinannifo.

Juan 10:33

—Nanfohuunshocai non mia toquirinin tsacaima. “Tsoa futsacai Diosima,” anori Diosin tsain cununi. Minrifi nocon cuscara nocofunuquin. Ascanfiashu mian yoia mirifi Diosiran min icaquin. Ascan min Dios chaca huai. Ascacufin non mia toquirinin tsacaicain, —huaifoan.

Romanos 8:33

Upa Diosin noco catonni nocon chaca soashonano Furun cuscara shara non inon. ¿Ascano tsoanmun, —Min chacaran, —noco huatiroquin?