Lucas 24:39 - Sharanahua: Diospan Tsain

^39-40 Ua oincahuun. Uhuun mucun yafi uhuun tau oincoincahuun. Pirico tohua. Nan uncoinfinquin. Yoshincai ua cuscara namiyacain shaoyamafinquin. Man manfin oincain shao yacain un nami yaran, —ishon ato yoini. Ato yoiquin asca huatan ahuun mucun tohua yafi ahuun tau ato ismani.

Lucas 24:39 ပူးပေါင်းရင်းမြစ်များ

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Lucas 23:46

Ascaino Jesús Apa cunainifoanni oi ashcafinin, —Upan, miari ua ihuicoinhuun, —huatan shacaica unufaini naani.

Lucas 24:38

Ascaifoan Jesús ato yoini, —¿Ahuuscai man ratuain? ¿Ahuuscai maton nomuran man icoinra huaimamun?

Juan 20:20

Yoitan noco ismaquin a piriconun mastaitafo tsuhuu ismaquin mushanshotan ashin pishi chachitan noco ismaniquin. Noco ismaiton non oinni fasi nocon Ifoqui unimacoinni.

Juan 20:25

Ascanshon Tomás Jesús oinshoma yoini, —Un ahuun mucu natan pirico tsuhuu uhuun mutotinin muifain ahuun pishi tsuhuu pimuishofin un icoinra huatiroquin. Un asca huayamashocai man Jesús oincoian un icoinra huashquimaran, —ishon Tomás noco yoini.

Juan 20:27

Jesús Tomás isca huani, —Ua min mutotinin uhuun mucu natan muifain ua piiimuihuu. Afanan ua icoinmaran huaquima. Ua icoinra huahuu, —huaiton.

Hechos 1:3

Atohuunoashu nayoaitian cuarenta oshatan Apa ari cani. Cayoataima atofu iyopaoni. Ato ahuamamishti oinmayoni afanan funia cuscan icoinra huanonfo. Nantianri Diosin nantifi ato iquinai cuscan ato tapimani.

1 Tesalonicenses 5:23

Diosin fustiton nocon nomuran isharamatiro noco fucashhuanonma. Nantofin mato imasharacoinquin ahuun ointi cuscara man inon. Ascashon maton cushusharafain maton nomuranri cushushara ahuara shara fusti man shinanon. Upa Diosin mato nanscacoin huaino nocon Ifo Jesucristo afanan oaitian matoqui shinansharashquin.

Hebreos 12:9

Nocon upafoan non facufocun noco onaintimapaoni. Ascacun non atohuunoa shinansharafain nonrifi ato nicacoinmisi. Ascan nocon Upa Diosin noco onaintimaiton non tunuquin finacointiro. Ascashon noco tapimapaiyai cuscain non fasi unimacain non isharatiro.

1 Juan 1:1

Unquian, Juan, un mato cunu fomai man tapinon. Jesucristohuunoa un mato tapimani. Un nicafain un oinyanan un mucuman mucoinmisi cuscan un ahuunoa mato yoi man tapinon. Ahuashta oniataima Jesús apa Dios fu iyopaoni. Upa Diosin ahuun tsain noco yoipaiyai cuscan Jesús noco tapimapaoni. Ascashon ahuunshon non Diosin tsain tapitiro noco nimapacuai.