Lucas 23:34 - Sharanahua: Diospan Tsain

³⁴ Ascashon mastaifoan Jesús Apa cufini, —Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, —ishon Jesús apa cufini. Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani.

Lucas 23:34 ပူးပေါင်းရင်းမြစ်များ

Génesis 50:17

“Maton ushto José uhuun tsain yoicahuun. Min ochifoan mia fasi chaca huani. Asca huafia ato rauhuapun,” ishon nocon upa yoita. Nanscacun non mia yoi noco rau huapun. Nonfin Diosi ahuun oinmatifo. Nocon upa ahuun Diosin noconari, —ishon tsain fomanifo. José nicatan uaini.

Mateo 11:25

Ascano ato yoiqui asca huatan Jesús apa cufini, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapiamafiashon un ato isma cuscan un ato yoiai cuscan ua icoinra huafo. Nanfofin min ato tapimanaquin.

Mateo 11:26

Icon, Upan, minfin nanscara fuchipaiaqui, —ishon apa yoini.

Mateo 5:44

Nannori yoifianifo un mato yoiquin isca huai, Naan mato noicasmafiaifoan atohuun noicoincahuun. Tsoan mato omitsisca huairi Dios cufishocahuun.

Marcos 15:24

Ascatan Jesús ihui coyan iquinanqui mastanifo. Mastacatan ahuun sahuuti fianshcaquin. Toquiri tocoro rafu ya cashuqui potapacunifo. Nan finonmanaton ahuun sahuuti fiqui tau huani. Asca huapatan cuyonfianifo.

Lucas 22:42

—Upan, min ahuara futsa yorafo numashqui atiromamainquin nan min apaiyai cuscan huahuu. Unfi mun itisharaquin atohuunoashu omitsiscacai naashquin, —Apa huaino.

Juan 17:9

Un mia ato cufishofafaini. Uncai a icoinra huafoma ato cufishonima. Nan mian inannifosihuunshon un mia cufifafaini. Un mia ato cufishofafaini nanfomain minafocufin.

Juan 19:11

—Diosin mia yonoyamainocai mian ahuusca huacuanama. Ascacun nan mian chaca huanon mi ano ihuuafo nanfoancaifin ua chaca huaquin finacaniquin, —huani.

Hechos 16:28

Ascaiton Pablonun oi ashcafinin yoini, —Ascayamahuu. Mifiri rutuyamahuu. Tsoa raqui caamaquin, —huani.

Hechos 3:17

Uhuun yoramishtichin, mun tapia man Jesús onanshoma rutua. Mato niaifofoanricai onanfoma.

Hechos 7:60

Yoitan ratoconun mai chachishon oi ashcafinin yoini, —Ifon, ua chaca huafiaifoan ato numahuu. Ato rau huahuun, —ishon yoini. Yoitan nani.

Romanos 12:14

Mato omitsiscamaifoan ato copiyamacahuun. Ato roayamacahuun. Asca huatama ato shara huacahuun. —Upa Diosin mia shara huairan, —ishon ato yoicahuun.

1 Corintios 2:8

Un na tsain mato yoiai cuscacai niaifofoan tapiyopaonima. Ascashon Jesús rutunifo. Tapicashocai tsoan nocon Ifo Jesús Diospan furun sharacoin masta cuanifoma.

1 Corintios 4:12

Ascashu non curushcai yonotiro non yopai cuscan ahuun rafanan fiishquin. Ascarifiatan yorafoan noco tsain chaca huafiaiton copitamarocon non isca huamisi, —Jesús mia shara huapainonran, —ishon non yoimisi. Noco omitsisca huafiaifoan non tunucointiro.

1 Pedro 3:9

Ascan futsafoan mato chaca huafain mato roafiaiton ato copitamarocon ato shara huacahuun. Nanscara Diosin noco yononi. Non futsafo shara huaiton oinquin Upa Diosin noco fasi shara huashquin. Noco Diosin catonni noco shara huaquin.