Lucas 23:31 - Sharanahua: Diospan Tsain

³¹ Un ahua chaca huayamafiamisicun ua isca huacani. Ascan tsoan ahuara chaca huaquin unuyamacaiyaifofin fasi finacaicani omitsiscamashcaniquin, —ishon Jesús ato yoini. Ascashon Jesús iyonifo mastaifocaquin.

Lucas 23:31 ပူးပေါင်းရင်းမြစ်များ

Mateo 3:12

Ascano naantorifi chipo a icoinra huafo yafi a nicacasmaifo ato pashcanan huaashquin. Nan icoinra huafosi a icari ato ihuicoinshquin afu isharapacushanonfo. Ascan nan nicacasmamisifo chi urumanhuan muran ato potai anoashu omitsiscai unupacunacafomaran, —ishon Juanpan nan Fariseofo yafi Saduceofo yoini.

Lucas 23:30

“Machi nocoqui maocoano non nai futsuafin shara itiroquin. Omitsiscashquima,” ishon nannori man yoishqui.

Lucas 23:32

Ascashon yomutso rafuri iyonifo Jesús ya mastaifocaquin

Juan 15:6

Ahuun poyan futsa chaca fimioma poshtushon potashquin tsasinon. Tsasicun poyafo icha huatiro coashquin. Nanscarifiai tsoa ufu rafutama umaquin icun nanscarafo chipo icha huashon chi urumanhuan muran ato potashquin.

Hebreos 6:8

Ascafia mau futsan ifoan fanayamaino yono foaitamarocon totoshmoshafosi foaitiro. Nanscara mau chaca foaitiro. Ascashon afanan tsoan fipaiquima coatiro coonon. Nanscarifiai tsoan Diosin tsain nicafafaifiai yoia cuscan atama ahuun tsain cachiquiri huacoincun nanscarafo Diosin omitsiscapanacafo muran potashquin.

Judas 1:12

Ascan manfin noinanshu ichananmisiquin nocon Ifohuunoa shinanfain pishcaquin. Nanfori ranotama matofu ichananfiacashon nocon Ifohuunoacai shinancanima. Futsafohuunoaricai shinantama aficairocon shinanmufustiafo, —Non mato yosiquin mato cushusharatiroran, —ifiacaquin tsoa ahua yosisharamisifoma. Nan coin oi maisinincai mai muto muchana huatiroma fanafo foaisharanon. Mai mutoano coin choshtacuashu oi fuaino fanafo foaimasharatiro. Nanscarifiai nanfo coin oi maisi cuscarafo. Nan cushumisi ointsafiacashocai nocon Ifohuunoa tsoacai tapiafoma. Fana ahuun tapofo ya tsucucain tsasiashu fimioma itiro. Man nai rafua cuscara. Nanscarifiai nan chanimisifoancai tsoan Jesús icoinra huamatiroma nipanonfo.