Lucas 2:39 - Sharanahua: Diospan Tsain

³⁹ Ascano José fu María Diosin tsain yononi cuscain aton mai Nazaret ano nasonifo. Nan Nazaret Galilea muran.

Lucas 2:39 ပူးပေါင်းရင်းမြစ်များ

Mateo 3:15

Jesús cumani, —Upa Diosin noco yonoa cuscan fusti nantifi non aca shara itiro. Ascan natian ua iquimahuu, —huaiton. —Ascan min ua yoiai cuscan un mia unu muran iquimairan, —ishon Juanpan yoini.

Lucas 1:26

Ascano seis oshu Isabelqui man caano Diosin nai oinmati Gabriel Mariaqui niriscatani. Nan María funuoma ini. José fu fiananfotaima afu iyopaonima. Tsoaricai afu imisima. Ascan José ahuun shunifin David iniquin. Nan Israelifoan ato niaifo ipaoni. Ascacun Diosin ahuun oinmati afu nai muran icaton yoini isca huaquin, —Galilea mai Nazaret pushurasi muran Mariaqui catahuun, —ishon ahuun oinmati Gabriel nichini.

Lucas 1:6

Ascashon nan rafutan Diosin tsain cununi cuscan nicasharacoinpaonifo. Nantifi Diosin yononi cuscan tanasharamisifo. Nan rafutan tanasharaifoan Diosin oinpaoni. Ascacucai tsoan ato ahuashta rafatiro ipaonima.

Lucas 2:4

Ascacun José yafi María Nazaret pushurasi Galilea murannoashu focani Belén pushurasi Judea mai ano noconifo. Nan Belén David ahuun mai ini. José David ahuun funa. Ascacun arifi Belén ano cani.

Lucas 2:51

Ascashu ahua yafi apa fu Nazaret ano nasoni. Ascashon nantifi apa futan ahuan yonoaifo cuscan yafi yoiaifo cuscan nicacoinni. Ascatan furunmun yoia cuscan ahuan ahuun nomuran shinanfafaini.

Lucas 4:16

Ascacaini cai nan pushconi Nazaret ano cani. Nannoashu Israelifoan aton tunutitian nan imisi cuscan ato ichananti pushu muran iquishon ninacahuan Diosin tsain Jesús ato yoini.

Lucas 4:23

Ascaifoan Jesús ato yoini, —Noco shunifoan yoini cuscan marifi raca man ua yoiqui isca huapai, “Min caya huamitsamisimainqui min futsafo caya huaa cuscan mifiri caya huamuhuu,” ishon raca man ua yoipai. Ascashon man raca ua yoipai isca huaquin, “Man non nica min Capernaum anoshon tsoan atiroma cuscan min ato huashoan. Ascan nuno min pushconi anoshori noco nanscarifi huashohuun,” ishon raca man ua yoipaiqui.