Lucas 19:37 - Sharanahua: Diospan Tsain

^37-38 Machi Olivo tusirimucaitan ahuunshon tapimisifo aqui noconifo. Unimacaquin oi ashcafinin Jesús yoinifo, —¡Aicho! ¡Diosin shararan! Dioshuunshon ahuamamishti min huaiton non oian. ¡Aicho! Nocon niaifo nocoqui oaquin. Diosin shara huamafafainni. Diosin yononi Jesús nocon Niaifocoin inon. Ahuunshon Diosin nantifi shara huanon. Ascarifiatan ahuun nai oinmatifoan nai muranshon yoicani, “Diosifin sharacoinshon yorafoqui ahuun Furun nichiniquin ato numanon,” man huaicain —ishon oi ashcafinin yoinifo.

Lucas 19:37 ပူးပေါင်းရင်းမြစ်များ

Mateo 21:1

Ascatan non Jesús fu cai Jerusalén chaima non noconi. Nan chaimari pushurasi futsa ahuun anu Betfagé machi Olivo tunanman ini. Nanno nocoti chaima Jesús afu rafuafo rafu pushurasi Betfagé ano ato nichini.

Marcos 13:3

Ascano machi ahuun anu Olivo ano mapufaintan Jesús tsaoni nanno ishon Dios fu tsainti pushu ointiro ini. Tsoa futsacai ano inima Pedro non Santiago non Juan non Andrés non afo aqui funifo.

Marcos 14:26

Ascano ahuun tsain yoiqui anaititan Diosin tsain fanainnifo. Anaititan machi Olivos ano fonifo.

Lucas 18:43

Ascaino nantian oinsharariscatan yoini, —¡Aicho! Man mian caya huaa shara. Dios shararan, —icashu afu caiton oincaquin futsafoan arifi, —¡Aicho! Dios fasi sharacoinran, —ishon yoinifo.

Lucas 19:20

Ascaino oinmati futsari aqui oshon arifi yoini, “Ifon, naquian min pui. Un mia rashushon huashoan. Min ua inan cuscan finonmafain fiamafiashucai un funoama.

Lucas 19:29

Machi ahuun anu Olivo tunanman pushurasi rafu Betfagé yafi Betania ini. Nanno chaima noconifo. Nocoshon afu rafua rafu nichini.

Lucas 19:36

Cahuanaiton fai naman cayan afofori sahuuti fucashonifo. Niaifo cahuanaiton apaonifo cuscan Jesusrifi cahuanaiton afofori sahuuti fucashonifo.

Lucas 7:16

Ascaiton oincani yorafo fasi ratucoinnifo. Ratu nishmapacuquin Dios yoisharaqui isca huanifo, —Diosin tsain yoimisi noco muran Diosin nichian. Diosin ahuun yorafo ashoin oaran, —ishon yoinifo.

Juan 12:18

Nocofunu man nacoinfiacun funimana nicacaquin nanfoanri oinpainifo. Ascashon fai anoshon Jesús mananifo.