Lucas 18:14 - Sharanahua: Diospan Tsain

¹⁴ Un mato cayacafi yoi. Nan pui fishomisi Diosin ahuun chaca soashofain ahuun yora ima. Ascafiaquicai nan Fariseo ahuun chaca soashonima. Ascan tsoan ahuunoa yoiqui isca huai, “Un shararan,” ishon futsafo shinanmapai nanscara yorafo chipo Dios ismashquin arifi chaca huamisicun. Ascan tsoan yoiqui isca huaa, “Unfin chaca huamisiquin,” ishon yoicun nanscara yorafofin Diosin aton chaca soashotiroqui afu ipanonfo, —ishon Jesús huani.

Lucas 18:14 ပူးပေါင်းရင်းမြစ်များ

Éxodo 18:11

Nan cacapaimisi Egipciofoan mia non min yorafo chaca huapaoni. Nanscacun nocon Ifo Diosin ato onaintimana afanan mato omitsiscamanonfoma. Ascacun natianfin mun tapiaquin ahuara futsafocai Dioscoinfoma. Nocon Ifo Diosin nantifi finoanran, —ishon Jetro yoini.

Daniel 4:37

Ascan uquian Nabucodonosor un Ifo Diosihuunoa yoisharai. Nanfin nai muran icaquin niaifoquin. Nantifi nanton aca cuscan cayacafi shara huafain yorafori ashomisi cuscan cayacafi shara huamisi. Ascacun nantifi ahuunoa ifo huacahuun. Tsoa futsacai a cuscara sharama. Nantofin nantifi finoncoianquin. Ratomain cacapaimisishon yoiquin isca huaicain, “Unfin sharaquin. Un apaiyai cuscan fusti huatiroquin,” ishon yoiaiton Ifo Diosin na cuscara unumatiro afanan min ahuamaran ishon tapimatiroran, —niaifo Nabucodonosor yoini.

Mateo 23:12

Tsoan nantifi finonpaifafaini naanfin Diosin ismashquiquin aacai ahuama. Ascan tsoa futsafoan aton oinmati cuscarashon ato shara huafafainai nanfin Upa Diosin chipo niaifocoin imashquiquin, —ishon Jesús ato yoini.

Mateo 5:3

—Tsoa futsan aton nomuran shinanquin isca huai, “Uficai un isharatiroma. Un Dios yopacoinran,” icaiton Diosin ato unimamashquin. Ascashu uhuun Upa Diosin niaifo ano afu ipatirofoquin.

Lucas 1:52

Ascatan niaifofori Diosin ato shatumana afanan niaifo inonfoma. Ascashon nan ahuamafo ato shinansharamana nanfoan tapinonfo ahuun facufocashon.

Lucas 10:29

Asca huaiton cumani, —¿Ascan tsoafomun ua chaima icafoquin afohuun un noiai? —ishon yocani. Ascan nantocai atifihuun noinima. Ascacun Jesús a nocofunun shinain cuscan onanshon cumaquin isca huani, —Nocofunu Jerusalén anoashu Jericó ano caiton. Yomutsofoan achicashon sahuuti shoriquin futsatan sutuquin futsacaquin nama cuanifo. Ascashon fai cusumun ratafaini yomutso ranan ichonifo.

Lucas 14:11

Ascan tsoa oinanpaimisi chipo Diosin ismashquin acai ahuacuma. Ascan tsoa oinanpaimisima naanfin yorafoan ointaifi Diosin yoitiro isca huaquin, “Ua chaima tsaoyohuu. Ufu nipashquin,” ishon yoishquiran, —Jesús ato yoini.

Lucas 16:15

Onanshon Jesús ato yoini, —“Nafofin sharafoquin” man yorafo huamapaifiaiton Diosin man mato onan. Manfin yorafo paratiroquin “Nafoanfin shara huacaniquin,” ishon yorafo man shinanmapaifiaiton Diosin man mato onancoinshon ahuun nomuran shinain, “Nafoan fasi chaca huacaniran,” ishon Diosin matohuunoa shinain, —ishon Jesús ato yoini.

Romanos 3:20

Ascacucai Upa Diosin tsohuunoa yoitiroma isca huaquin, —Un mato yononi cuscan man amisi. Man ahua chaca huamisimaran, —noco huatiroma. Diosin noco yononi cuscan man non tapicoinfiashon nanhuunshon non shinantiro, —¡Ohua! Upa Diosin yononi cuscacoincai un amisima. Urifi un chaca huamisiran, —ishon non shinantiro.

Romanos 5:1

Upa Diosin nocon Ifon Jesucristohuunshon noco rau huaa nocomaqui afanan iquima no fu ipashquin. Ascano nan icoinra huashu non afu isharapacutiro.

Romanos 8:33

Upa Diosin noco catonni nocon chaca soashonano Furun cuscara shara non inon. ¿Ascano tsoanmun, —Min chacaran, —noco huatiroquin?

Santiago 4:10

Ascashon nocon Ifo Jesús yoiquin isca huacahuun, —Ifon un fasi mia chaca huamisi. Ascacun ua numahuu, —ishon yoicahuun. Man ascaiton Upa Diosin matohuun ramapaiquin maton chaca soashotiro man afu ipanon.

Santiago 4:6

Ascan afanan Diospan tsain noco cunushoni isca huaquin, “Ratoran futsan Upa Dios nicacasmai afin apaiyai cuscan fustisi huai nanfin cacapaimisicoinquin. Ascaraquicai Diosin unimaima. Ascashon ato onaintimashqui. Ascafia nan ratoran futsan Jesús cuscara ipaicoinquifin nantonfin tapiaquin fasi Jesús yopacoin isharashquin. Nanscarafohuunfin Diosin ramapaiquin ato shara huashoshquin finacoinshquin ahuun curushu ato inanshquin tanasharanonfo,” ishon cununi.

1 Samuel 1:18

Nannori yoiaiton nicatan Anapan Elí cumani isca huaquin, —¡Aicho! Mian cumashararan, —ishon yoitan cashon piini. Afanancai Anapan shinanchacanima.