Lucas 16:20 - Sharanahua: Diospan Tsain

^20-21 Asca futsan ahuun anu Lázaro nocofunu mafo ichapayaton ahuun cunu caincaiti ano tsaoni. Yoratishon coyoashu tsaocun pashnan aqui oshon ahuun coyo ano tashoni. Ascaino Lázaro ahuuomaton shinanni, “Na nocofunu mafo ichapayatomain nan tushu huaa ua inanpainonrati,” ishon shinanni.

Lucas 16:20 ပူးပေါင်းရင်းမြစ်များ

Salmos 34:19

Nan ratora futsan Ifo Diosi yonoa cuscan huamisifofia nantori ahuara chaca ichapa finontiro. Ascafia Ifo Diosifin nantifi chaca finoan cuscan numaiquin.

Salmos 73:14

Shafatishon ahuara chaca uqui nocomisi. Unfin funamaritifin omitsiscaicain.

Mateo 26:71

Asca huafaini caincaiti ano caacun nannoshori shomaya futsanri Pedro fuchishon ato yoini, —Na nocofunufin Jesús Nazaret anoa fu imisiquin, —ishon yoiaiton.

Lucas 16:19

Ascashon afanan Jesús ato yoiqui isca huani, —Nocofunu futsa mafo ichapayaton sahuuti mapash sharacoin sahuufain tushu sharacapafo shafatifi pisharamisi.

Juan 11:1

Ascatan nocofunu Lázaro isinin icai. Ahuun pushu Betania ano ini. Nan Lázaro isinin icaiton ahuun poi rafu María yafi iyoa Marta nannori inifo. Nan María Jesusqui motica murannoa ininti sharacapa Jesús tau pumancayan ocatan ahuun foon otucuru aniquin.

Hechos 3:2

Nocofunu chato chatotiani nanscarapan cainni nan anosi shafatifi tsao tsaotiani. Atirifiton iyopaonifo anoashu pui yocacanon. Ascano Dios fu tsainti pushu shuinshcaian tsaoshon iquifurafafainaifoan ato pui yoca yocatiani. A caincaitinin ahuun anu sharashta.

Santiago 1:9

Ascan atirifi Diospan yorafo nan ahuuomafohuunoa icoinra huamafoan shinantirofo isca huaquin, —Nan ahuuomafocai ahuamaran, —ishon atohuunoa shinantirofofia nanfocaifin Diospan facufoquin. Ascafia nan ahuuomafoan shinantirofo isca huaquin, —¡Aicho! Unfin Diospan facucoinquin. Un Jesús yafi Dios fu ipashquiran, —ishon shinantirofo.

Santiago 2:5

Ascacun uhuun yoramishtichin ua nicasharacapun. Un matohuun noicoinshon un mato cayacafi shinanmasharapai. Yora ahuuomafohuunoa nan icoinra huamafoan shinanmisifo isca huaquin, —Nan ahuuomafocai ahuamaran, —ishon shinancani. Upa Diosincai atohuunoa anori shinainma. Nanfifin yora ahuuomafo catoan Jesús icoinra huacoinonfo. Ascacun nan ahuuomafoan Upa Diosin noicoiainfoan ato yoiyoni cuscan nantifi ahuunafori atona iishquin.

1 Samuel 2:8

Futsafo ahuuoma omitsiscaino nocon Ifo Diosin ato numatiro ahua afanan yopatiroma niaifo cuscaran iishquicani. Ascan atohuunoa yoisharashcani.