Lucas 16:14 - Sharanahua: Diospan Tsain

¹⁴ Nan Fariseofoan pui noiaifohuunoa Jesús ato yoiaiton nicacani aqui cashupaiqui yoinifo. —¡Cuu! Ahuuomafiashon noco yoiran, —icaifoan.

Lucas 16:14 ပူးပေါင်းရင်းမြစ်များ

Mateo 23:13

Ato asca huatan Jesús Moisés cununi cuscan tapimamisifo yafi Fariseofori yoiqui isca huani, —¡Ohua! Moisés cununi cuscan tapimamisifo futan Fariseofoan ua nicasharacahuun. Manfin fuparamitamisicoinfoquin. Upa Dios icano man yorafo iquimapaifiaquicai man ato iquimatiroma. Ascashu marificai man iquitiroma. Iquipaifiaifoan man ato catima huaa. Ascacun Diosin mato fasi onaintimaquin finacoinshquin.

Mateo 9:24

Ascaifoan Jesús ato yoini, —Chifi caintacahuun. Na facucai naama. Oshafinquin, —ato huaiton osanifo.

Lucas 12:15

Afanan ato yoiqui isca huani, —Ua nicacahuun. Matonama fuchipaiyamacahuun. Ahuara ayafiashon afanan finonmafain fipairiyamacahuun. Mafo ichapayahuunoashucai non unimatiroma. Nocon mafocai nocon ointi unimamatiroma. Nocon mafohuunoashucai non isharatiromaran, —ishon ato yoini.

Lucas 20:47

Ascasho ainfomaqui funu naafo parashon pushu ato fiancani. Ascatan fasi chaicoinri cufiriatirofo atohuunoa shinansharanonfo. Ascafia nanfo fasi fuparamitsamisicoinfo. Nanfocaifin Dios ato onaintimaquin finacoinshquiquin, —ishon Jesús afu rafuafo yoini.

Lucas 23:35

Nanno yorahuanrasi mapo cashon oinnifo. Ascashon niaifofoanri roaqui futsacaquin yonifo, —Non oinon. Futsafo numamisi cuscamain afiri numaiquin nan Diosin catonni Cristo huashuforan afiri numaicain futsafo numamisi cuscan, —ishon yoinifo.

Lucas 8:53

Jesús osanifo. Man facu naacoina oinfiainfoan.

2 Timoteo 3:2

Chaca iscarafo huashcani. Futsafo shinantama afiri fusti noicain futsafo noiama icain pui fusti noifain afiri fusti yoimusharacain curafiapaimisi icain roanmitsamisifo icain aton apa yafi ahua nicacasmamisifo iishquicani futsafoan ato shara huashoan cuscan ato, —¡Aicho! —huayamafain atohuunoa fusti shinanchacaquin. Ascaquicai Diosihuunoa ahuara sharafo shinansharatiroma.

Hebreos 11:36

Ascano icoinra huaa futsafoquiri atoqui cashu mutsamacain fichi ato coshafain atirifi cunopan munushfain onushfain ato cunu muran iquimanifo.