Lucas 14:22 - Sharanahua: Diospan Tsain

²² Asca huano afanan cashon nan yoia cuscacoin ahuun oinmatinin huashotani oi. Naso cura ahuun ifoqui oshon yoini. “Ifon, mian yoia cuscan mun ato yoia. Ascan natian man fucani. Ascafia min pushu fospicanima. Tushufori tushuiran,” huaiton.

Lucas 14:22 ပူးပေါင်းရင်းမြစ်များ

Salmos 103:6

Yora futsafoan chaca huaquin omitsiscamatirofo. Ascan nocon Ifo Diosicai ascarama. Nantofin noco cayacafi ashosharamisiquin.

Salmos 130:7

Nocon Ifo Diosin nocohuun fasi noi. Noco noiai cusca unupacunacama. Ascan Diospan yora Israelifoan nocon Ifo icoinra huacahuun. Nonfin chaca huamisiquin. Ascafia nocon Ifoan noco numa afanan nocohuunoa chaca shinainma. Ascaino non Upa Diosi fu ipatiroquin.

Lucas 14:21

Asca huaifoanno oinmati ahuun ifo ano nasoshon nan yoiafo cuscari yoini. Ascaiton nicai pushu ifo atoqui sinacoinni. Afanan ahuun oinmati nichiqui yoini, “Natian pushurasi anoa faifoti ano cariscatahuun yora ahuuomafo yoifain nipaiqui ranainfo yoifain fushofori yoiriscatahuun un ato pimanon,” ishon yoini.

Lucas 14:23

Pushu ifoan afanan yoini, “Afanan fai futsafo ari cariscatahuun ua ato yoishoshquin funonfo. Ato yoihuu isca huaquin, ‘Uhuun ifoan pushu ano nitutama furiscacahuun mato pimapaiquin,’ ishon ato yoitahuun uhuun pushu fospi funonfo.

Juan 14:2

Uhuun Upa icanofin cunu ichaparasiquin. Un mato itishara huashoin caicain. Ascarayamacucain un mato yoicuanama.

Efesios 3:8

Shinancapon. Uncai ahuama. Nantifi Diospan yorafoan ua finoncoianfo. Ascafia Upan Diosin uhuun ramapaiquin ua catonni mani futsafo un tsain shara Cristohuunoa un ato yoinon. Aafi ahuun yorafo inain cuscan fasi sharacapacoin. Tsoancai ascara shara oinyomisima. Cristo noco shara huaquin futsai cuscacai tsoashta tapiyomisifoma.

Colosenses 2:9

Ascano Cristo yafi Apa Dios nanscara rafu. Cristo noco cuscara nocofunucoinfiashu Dios imisi cuscan arifi nanscamisi.

1 Juan 2:2

Noco nashonishaquin nocon chaca noco soashotiro. Noco fustima. Nantifi manifotihuunoashu noco nashoni nocon chaca soashoshquin.