Lucas 12:31 - Sharanahua: Diospan Tsain

³¹ Ascacun Diosicairocon shinancahuun. Mato yonomapaiyai cuscan nan fusti shinanfafaicahuun. A cuscara shara ipaicahuun. Nancai shinanquin tau huafafaincahuun. Man ascaiton ahuara futsa man yopai cuscan Upa Diosin mato inanshquin.

Lucas 12:31 ပူးပေါင်းရင်းမြစ်များ

Salmos 34:9

Man Diospan yorafoquin ahuunoa yoisharafafaincahuun chaca huashquinma. Man ascaitofin man yopai cuscan nantifi mato inainquin afanancai man ahua yopashquima.

Salmos 37:19

Ahuara chaca finontirofofiacai Ifo Diosin ahuun yorafo cushusharainocai nayoshquima. Futsafo tushuomafiano nocon Ifo Diosin ahuun yorafo ato pimashquin.

Salmos 37:25

Un pushco iyopaonifiashu natian un anifoshtacoin. Ascan uncai oinmisima nocon Ifoan ahuun yorafo ato potaiton. Uncai aton facufo oinmisima futsafo tushu yocaifoan.

Salmos 37:3

Ascatamarocon nocon Ifo Diosi icoinra huafain futsafo shara huacahuun. Man ascaiton nocon Ifo Diosin mato cushusharai man isharanon.

Mateo 6:33

Ascacun Diosicairocon shinancahuun. Mato yonomapaiyai cuscan nan fusti shinanfafaicahuun. A cuscara shara ipaicahuun. Nancai shinanquin tau huafafaincahuun. Man ascaiton ahuara futsa man yopai cuscan Upa Diosin mato inanshquin.

Lucas 10:42

Uhuun tsain fusti shinanquin. Nan fusti yopaiquin. María ahuun nomuran uhuun tsain nanushon aquimashquimaran, —ishon Jesús yoini.

Lucas 12:30

Ascan nannori nan icoinra huamafoan shinanchacamisifo. Ahuara pifain sahuupaiyaifo fustisi shinanmisifo. Ascan maton Upa Diosifin tapiaquin man yopai cuscan. Ascacun mato inanshquin.

Juan 6:27

Shinancapon. Manfin tushuhuunoasi shinanfafainicain. Nan tushu chacanatiro manmain cuyoifin. Ascan nan cuscara tushu fusti fuchipaiquimarocon nan cuscara futsafin unquin. Unfin Diospan Facuquin, un mato inantiro nancai fuchipaicahuun. Nan cuscara cuyopacunacama. Nan piashu man nipasharatiro. Uhuun Upa Diosin ua catoanshu uqui unimamisi. Matoquirifi ua nichini na tushu cuscara un mato inanon, —ishon ato yoiaiton.

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

1 Timoteo 4:8

Non ejercicio huaino noco caya non shara huatiro mutsisipa iishquin. Nanscarifiai non Dios cuscara ipaiquin ahuun tsain nocon nomuran non nanuaiton ahuun curushu noco inanshquin. Nancaifin shara finacoianquin. Natian noco shara huatiro. Ascashon non Jesusqui nocoaiton noco imasharapacunaca.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.