Lucas 12:22 - Sharanahua: Diospan Tsain

²² Ascaino Jesús afu rafumisifo yoiquin isca huani, —Afanan un mato yoisharanon. Ua nicasharacahuun. Isca huaqui shinanyamacahuun, “Non ahua pimara,” ishon shinanchacayamacahuun. Ahuaricai non sahuuimaran iyamacahuun.

Lucas 12:22 ပူးပေါင်းရင်းမြစ်များ

Lucas 12:11

Ascano ichananti pushu muran mato iyocashon niaifofoan ahuun ointaifi raquirira mato huafiaifoan shinanchacayamacahuun.

Lucas 12:23

Non ahuara pifain non sahuuatocai noco imasharatiroma.

Lucas 12:29

Ascacun shinanquin isca huayamacahuun, “¡Ohuashta! Unmun ahua piishquin uhuun tushuyamaino. Unricai ahua sahuuimaran,” ishon shinanchacayamacahuun.

1 Corintios 7:32

Un mato anori yoi maton nomuran ahuaton fucash huanonma. Un mato ahuinyacain funuyayamacahuun huaima. Un mato cayacafi imapai nocon Ifo fusti finacoinquin man shinanfafainon. Ahuaton maton nomuran fucash huanonma. Un mato yoisharapai. Un mato yoi maton nomuran omitsiscamashquimaquian. Ascaquimarocon un mato shara huapai Dios fusti man yonoshosharanon. Man ahuara futsa shinanonma. Ascashon un mato yoia cuscan nocofunun ahuionmaton ahuun Ifo unimamapaishquin. Ascan nocofunun ahuinyashon ahuinri unimamapai. Nan ahuinin ahuara yopai cuscan huafain fununri nannoricoin shinantiro. Nanscarifi aquin ahuun Ifo fustitocai shinantiroma. Ascashofin ahuun Ifo unimamapaifain nantianri ahuinri unimamapai. Ascacun ainfo funuomaton ahuun Ifo Jesús fusti yonoshosharapai. Ahua futsacai shinainma. Ahuun Ifo fusti tanashquin. Diosin imapaiyai cuscan huafain nan fusti shinainquin. Ascan ainfon funuyashon ahuun funuri unimamapaiquin ahuara futsafori shinantiro ahuun Ifo fustisima.

Filipenses 4:6

Ascano shinanchacayamacahuun. Ascatamarocon ahuara ahuuscarafiaino Upa Dios cuficahuun. Man yopai cuscari a yoicahuun. Man cufiaino Upa Dios yoicahuun isca huaquin, —¡Aicho! Upa, min ua nicasharamisi un yopai cuscan min tapishon min ua ashosharamisiran, —ishon cuficahuun.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.