Lucas 1:66 - Sharanahua: Diospan Tsain

⁶⁶ Ascashon nan nicafoan yoinifo, —¿Ahuu cuscaramun nan facu iishquiquin? Man non oian facufiacun Diosin Yoshin Sharapan iquinaiton, —icashu yoinannifo.

Lucas 1:66 ပူးပေါင်းရင်းမြစ်များ

Génesis 37:11

Ahuun ochi iyoafofo fasi aqui sinanifo ato niaifo ishquiai nicacanashu. Ascafiaino apan fasi shinanpaini.

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Salmos 119:11

Uhuun nomuranshon min tsain shara un nanua mia chaca huashquima.

Lucas 1:80

Ascashu nan Juan facu pushcocoin sharani. Ascashon shara fustisi tanapaiquin ahuun nomuran Diosin tsain shara nanucoinni. Tsoa istaipama anori iyopaoni ahuun caifo nan Israelifo Diosin tsain yoiquin tau huaitian.

Lucas 2:19

Ascacun María ahuun nomuran fasi shinanpaoni nan nicafain oian cuscan. Ascashori, —¡Aicho! Diosin noco shara huashoanran, —ishon shinanpaoni.

Lucas 2:40

Nannoashu facu mutsisipacoin yosini. Shafatifi ahuamamishti tapicoinfafaini. Diosin ahuun noiquin shara fusti huamafafainni.

Lucas 2:51

Ascashu ahua yafi apa fu Nazaret ano nasoni. Ascashon nantifi apa futan ahuan yonoaifo cuscan yafi yoiaifo cuscan nicacoinni. Ascatan furunmun yoia cuscan ahuan ahuun nomuran shinanfafaini.

Lucas 9:44

Nan acaiton oian cuscan shinansharaifoan Jesús afu rafuafo yoiqui isca huani, —Un mato yoiai cuscan nicacoincahuun. Futsafin ua ato achimashquiquin, —ishon Jesús ato yoini.

Hechos 11:21

Upa Diosin ahuun Yoshin Shara atofu ini. Aton tsainhuunshon Israelimafoan ichaparasiton nocon Ifo icoinra huanifo.

Colosenses 1:5

Nan tsain shara iconcoin Jesushuunoa cayacaficoin man man nicamisi. —Jesucristo icoinra huashu Dios icari man afu ipasharatiroran, —ica man man nicamisi. Nan tsain icoinra huashu man futsafohuun noicoinmisi.

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.

1 Samuel 2:18

Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.