Lucas 1:48 - Sharanahua: Diospan Tsain

⁴⁸ Ascashu un ahuun oinmati. Un ahuamafiacun uhuun ramapaiquin ua oinfafainni. Ascacun ua Diosin shara huaa cuscan yorafoan uhuunoa yoipacunacafo.

Lucas 1:48 ပူးပေါင်းရင်းမြစ်များ

Génesis 30:13

Ascacun Leapan afanan yoini, —¡Aicho! Facu sharacoin. Natian u fu ainfofoan ua yoicani, “Min unimacoinran,” ua huashquicani. Ascano ahuun anu Aser iishquiran, —huani.

Lucas 1:28

Ascano aqui nocoshon yoini, —Un miqui oa. Diosin oian min fasi sharacoincun. Mia fasi noicoin. Nocon Ifo mifu icaran, —ishon yoini.

Lucas 1:42

Ascaino oi ashcafinin Isabel ahuun raru María yoini isca huaquin, —¡Aicho! Rato ainfo futsacai mia acai cuscan Diosin catoanma. Fasi mia shara huacoinna. Min facu chipo cainyano Apa Diosin aqui unimacoinqui a cushusharashquin.

Lucas 1:45

Upa Diosin nan min ishquiai cuscan mia iquisi tapimanaiton nantifi ahuun tsain min icoinra huaa. Ascacun Diosin mia unimamaran, —ishon Isabel ahuun raru María yoini.

Lucas 1:49

Diosin ahuamamishti huamisiton ua ahuara sharashtacoin ashoan. Aafin shara fustisiquin.

Lucas 11:27

Ascaiton ato yoiaino ainfoan nan yorahuanrasi muranshon oi ashcafinin Jesús yoiqui isca huani, —Min uhua mia cainshon mia shoma amani. Ascacun min uhuaquimun Upa Diosin unimasharapainon, —ishon yoini.

1 Samuel 1:11

Nan cufiaintian Anapan nocon Ifo Diosi yoini isca huaquin, —Ifo Diosin, min ahuamamishti huatiro. Unfin min oinmatiquin. Un omitsiscai cuscan ua shinanhuun. Ua furonanfacu inanpun. Mian furonanfacu inainton un chipo mia inanshquin mina inon. Nan niyoatian uhuun facu min oinmati ishquin. Ascacun nanfin mina ishquiquin ahuun foocai tustupacunacamaran, —ishon Anapan nocon Ifo Diosi cufinni.

1 Samuel 2:8

Futsafo ahuuoma omitsiscaino nocon Ifo Diosin ato numatiro ahua afanan yopatiroma niaifo cuscaran iishquicani. Ascan atohuunoa yoisharashcani.