Juan 9:30 - Sharanahua: Diospan Tsain

³⁰ —Choon. Mancai tapiamafinquin raniashumain Jesús oshon. Un fushofiacun ua cayahuamaquin.

Juan 9:30 ပူးပေါင်းရင်းမြစ်များ

Salmos 119:18

Ua cayacafi shinanmasharahuun min tsain shara un fasi tapisharanon.

Mateo 11:5

Yora fushocoinfo un ato cayahua afanan oinsharanonfo. Nipaiqui ranainfori un ato cayahua nisharanonfo. Ato yoratisho coyo cuscara tocoi futsuafori un ato caya huaa afanan imisi cuscan ato nami shara inonfo. Pastocoinfori un ato cayahua nicasharanonfo. Man yora naacoinnafori un afanan ato funimana. Ascashon ahuuomafori tsain shara un ato yoifafainmisi ahuuscashumain Dios fu ipatirofoquin.

Mateo 21:42

Jesús afanan ato yoiqui isca huani, —¿Diosin tsain cununi cuscan man man oinmisimamun? Isca huaquin cununi, “Pushu yonomisifoan pushu quishi shara potanifo. ‘Nan sharamaran’ ishon potafiafo pushu ifoan afanan fiini nanhuunoashu pushu mutsisipa inon.” Nanscarifiai niaifofoan Diospan facuhuunoa isca huaqui yoishquicani, “Nacai ahuama. Sharamaran,” ishon yoiqui potashcani. Ascafia Upa Diosin ahuun facu catoan ahuunoashu nantifi ahuun yorafo nipanonfo. Ascacun non yoitiro “Diosin Furunhuunshon aca cuscan fasi shararan,” ishon cununi.

Marcos 6:6

—¡Aira! Ahuunscain ua oinfiamisishaquin ua icoinra huapaicanimaran, —ishon Jesús shinanni. Ascaiton pushurasiti Israelifo icano cahuancacaini ato Diosin tsain shara yosin.

Lucas 7:22

Ascashon nan Juanpan ato nichian rafu Jesús yoini, —Un acaiton man oian cuscan uhuunoa man nicai cuscan Juan yoitacahuun. Ascashon fushofo un caya huaa oinsharaifo cuscan yoifain pastocoinfori un caya huaa nicasharanonfo nanrifi yoifain ato yoratisho coyo cuscara tocoi futsuafori caya huafain yora nipaiqui ranainfori un ato caya huaa yoifain man nacoinnafori un ato funimana. Ascashon yora ahuuomafori tsain shara un ato yoifafainmisi ahuuscashumain Diosin niaifo fu ipatirofoquin, ishon un ato yoimisi.

Juan 12:37

Jesús aton ointaifi yoran atiroma cuscan ato oinmafiacun tsoan icoinra huanifoma nan Diospan Facucoinfiacun.

Juan 3:10

—¿Min Israelifoan tapimamisifiashomun na un mia yoiai min tapimacain?

Juan 9:29

Non tapiafin Diosin Moisés fu tsainpaoniquin. Noncai a Jesús tapiamafinquin. Tii ahuu cuscararanfinquin a nocofunucai non tapiama, —huaifoan.

Juan 9:31

Non tapiafin yoran chaca huamisicai Diospan nicapaitiroma. Ratoran Diosin tanasharafain yoia cuscan aitonfin nanscarafo Diosin nicatiroquin.

2 Corintios 4:6

Diosin shafa oni huataima yoiquin isca huani, —Faquishcun shafan inonran, —ishon yononi. Nanscarifiai non Jesús ifoantaimano nocon ointi nan faquish cuscara chaca ipaoni. Ascan Diosin Jesucristohuunshon nocon ointi muran chashamana non ahuunshon tapinon ahuu cuscara sharamainquin.