Juan 6:58 - Sharanahua: Diospan Tsain

⁵⁸ Afanan un mato yoi. Nocon shunifoan nan tushu ahuun anu manán piinifo. Nan pifiapaonishacaquin nai cuyonifo. Ascan Upa Dios ariashu un matoqui oni. Unfin ahuun tushucoinquin. Tsoan ua piashucai nanacama. Uhuunoashu nipasharatiroquin, —ishon Jesús ato yoini.

Juan 6:58 ပူးပေါင်းရင်းမြစ်များ

Juan 11:26

Niyoshon ua icoinra huashucai nanacama. ¿Nan mianmun icoinra huaicai? —huaiton.

Juan 3:36

Ascan tsoan Diospan Facu icoinra huashu afu ipatiro. Ascantarifi tsoan Diospan Facu icoinra huayamashu Diosin aqui sinaquin omitsiscamapacunaca. Ascan nan Jesús icoinra huafoma naacanashu afu ipatamarocon faquish muran omitsiscapanacaforan, —ishon Juanpan ato yoiniquin.

Juan 5:24

Un mato iconcoin yoinon. Tsoan uhuun tsain nicasharafain Upa Diosin ua nichini icoinra huafin Upa Dios fu ipasharapacunacaquin. Un nan cuscara yora onaintimaima. Afanancai Satanás ahuun yora itiroma. Omitsiscapatamarocon natian afi Upa Diosin ahuun yoracoinquin afu ipashquin.

Juan 6:41

—Unfin tushu cuscara un nai murannoashu oniquin. Un yora imapacushquin, —ishon yoini. Ascaiton nocon caifo Israelifoan nicafiacashocai icoinra huanifoma. Jesusqui tsain chipunifo. —¡Cuu! ¡Nicacapon! Aafin Jesusquin. Apa José ahuari non oinmisi. Ascan aacai ahuama. Galilea anoashufin cainniquin. Ascanfiashon, “Un nai murannoashu Diosin icariashu fotoaran,” noco huaiquin. Tsoancai na tsain icoinra huatiroma, —ishon yoinifo.