Juan 5:39 - Sharanahua: Diospan Tsain

^39-40 Man Diosin tsain fasi oinfafainmisishaquin man Dios fu nipatiroran ishon man shinanmisiquin. Anori man shinanfiaquicai Diospan tsain uhuunoa cunufiacashon mancai uqui fupaicanima un mato nimapacunon.

Juan 5:39 ပူးပေါင်းရင်းမြစ်များ

Salmos 1:2

Ascan chaca huamisifoan acaifo cuscan non huatamarocon nocon Ifo Diosin yonoa cuscan non fasi fuchipaicoin. Non asca huaiton shafatisho non yamutishori Diospan tsainhuunoa non shinanfafaintiroquin.

Salmos 119:11

Uhuun nomuranshon min tsain shara un nanua mia chaca huashquima.

Salmos 133:3

Nan machi ahuun anu Hermón ano nifipan muchana huai. Nannoshori machi futsa ahuun anu Sión muchana huaquin shara huai ahuarafo muto inonfoma. Nanscarifi ai Diospan Yoshin Sharahuunshon ahuun yorafo noinantanancanashu aton nomuran mutotirofoma. Ascaifoan nocon Ifoan ato shara huashoshquin.

Salmos 16:11

Ahuuscashumain un mi fu nipasharatiroquin minfin mian tapimanaquin. Un miqui nocoaitian mian unimamacoinshquin. Mian oinmamisi un niyocun ahuuscashumain un mi fu ipasharatiroquin. Un mi fu rafuaino min uqui fasi unimashquin. Minhuunnoashu un fasi unimai mi fu isharapacunaca.

Daniel 12:2

Nantiari yora ichapa namisifo funishquicani. Ascashu funitan Diosi icano a fu nipashquicani. Atirifoanri niyoshon tsoan Ifo Diosi nicapaimisima nanfofin rafipaishquicaniquin. Nanfohuunoa Upa Diosin shinanchacapacunacaquin.

Mateo 22:29

Jesús ato cumani, —Man man funoa. Mancai Diosin tsain tapiamafain ahuun yonoricai man tapiama. Ascashofin amaquiri man ua yoiiquin.

Marcos 10:3

—¿Moisés ato yononi cuscan raquiri yoiamun? —huaiton.

Marcos 12:10

¿Diosin tsain yoini cuscan man oinmisimamun? Ascashon yoiquin isca huani, “Pushu yonomisifoan toquiri quishi shara oincaquin yoinifo, ‘Nacai sharamafinquin,’ ishon potafo. Man potafiafoan pushu ifoan catonni nan toquiri quishihuunoashu pushu nisharanon. Nanscarifi aquin Diospan Furunhuunoa niaifofoan yoimisifo, ‘Nancai ahuamaran,’ ishon man potafo. Ascafiacun Upa Diosin catonni ahuun yorafoti ahuunoashu nipanonfo.

Lucas 16:29

“Nanfofin man ayafoquin Moisés futan Diosin tsain yoimisifoan cununifo cuscan huafaifin afi ointirofoquin,” Abraham huaiton.

Lucas 16:31

“Ascan nan Moisés cununi cuscan nicayamafain Diosin tsain yoimisifoan yoiaiton nicayamashomun nan ratoran futsa naashu funiaricai icoinra huatirofomaran,” ishon Abraham yoiniran, —ishon Jesús ato huani.

Lucas 24:25

Ascaifoan ato yoiqui isca huani, —¡Ohua! Manfin tatimacoinfoquin. Diosin tsain yoimisifoan yoinifo cuscan mancai icoinra huacuanama.

Lucas 24:27

Ascacun tau huaquin ahuunoa Moisés cununi cuscan yoifain Diosin tsain yoimisifoanri ahuunoa cununifo yoifain nantifi Diosin tsain ahuunoa cununi cuscan atofu cafoquin shafacafi ato yoifoni.

Lucas 24:44

Ascashon afanan ato yoini, —Munfin mato yoiyomisiquin. Uhuunoa Moisés non Diosin tsain yoimisifoan non fanainti uhuunoa cununifo cuscan nanscacoinfin un aiquin, —ishon Jesús ato yoini.

Juan 1:45

Ascatan Felipen Natanael fuchishon yoini, —Moisés Diosin yononi cuscan cununi isca huaquin, “Un Numamisi matoqui nichishquiran,” ishon Diosin yoini cuscan Moisés aqui cununiquin. Nannorifi Diosin tsain yoimisi futsafoan yoinifo. Nancai man non fuchiaran. Jesusfin José ahuun facu Nazaret anoaquin, —huaiton.

Juan 5:46

Moisés uhuunoa cununi cuscan icoinra huashon ahuun tsainri man icoinra huacuanaquin. Uarifi man icoinra huacuanaquin.

Juan 7:52

—Min tsain Galilea anoafoan tsain cuscarari. Shinanhuun. Tsoashtacai Galilea anoashu Diosin tsain yoimisi fuafoma. Nannoricoin Diosin tsain noco yoicoinni. Oinyotahuun tapinon, —ishon Nicodemo cumanifo.

Hechos 13:27

Diosin tsain inonpacoai yoimisifoan cununifo isca huaquin, “Nocon numamisi rutushcaniran,” ishon cununifo. Tunutitiansin na cunu noco yoifafaini. Ascafiacai nocon Numamisi nocoano Jerusalén anoa icafo futan nocon niaifofoanri a onannifoma. Ascan Diosin tsain inonpacoai yoimisifo cununifo cuscan nanscacoin huaquin. Nocon Numamisi Jesús rutunifo.

Hechos 17:11

Iquicaintan ato Jesushuunoa tapimani. Bereafocai Tesalonicafo cuscarafoma. Pablo futan Silaspan ato yoiai cuscan fasi nicapainifo. Nicacatan shafatifi Diospan tsain oinnifo iconmain Pablonun ato yoiaquin.

Hechos 26:27

¿Niaifo Agripa, min Diosin tsain inon pacoai yoishomisifo icoinra huaimun? Mun tapia min ato icoinra huairan, —ishon Pablonun yoini.

Romanos 3:2

Uhuun yoramishtichin, shinancapon. Upa Diosin manifoti yoipaiyai cuscan nocon caifo yoiqui tau huani. Noco tapimani cuscari non mani futsafori tapimanon.

Colosenses 3:16

Cristo noco tapimani cuscan huafain maton nomuran nanucoincahuun. Nantofin mato iquinaquin. Ascan ahuun tsain tapisharashon futsafo yari tapimatanancahuun isharashcaquin. Mato nomuranshon Diosin aicho huafain David fanainni cuscan fanain ishocain ahuun tsainhuunoari fanaincahuun.

Hebreos 11:16

Ascan ari nasopaitama Dios icarirocon fasi shinannifo ari nocopaicaquin. Nanfoan tapinifo nanno fasi shara finacoian. Ascashon Upa Diosin nan icari ato itishara huashoano afu ipanonfo. Ascacufin atohuunoa ranotama yoini isca huaquin, —Unfin ato Diosiquin, —ishon yoini.

Hebreos 11:35

Ainfofoanri Dios icoinra huacun aton yorafo man naafiacun Diosin ato funimani afanan ninonfo. Ascano futsafoanri Dios icoinra huacoinnafoan nan icoinra huamafoan ato omitsisca huanifo nan naifotian. Ascashon ato yoiquin isca huanifo, —Man Upa Dios potaiton non mato ahusca huaima man casharatanon. Asca man Dios potayamaiton non mato rutuiran, —ishon ato yoinifo. Ato asca huafiaifoancai tsoan Dios potapainima. Ascacun ato rutunifo. Ato rutuafotaima shinanquin isca huanifo, —Noco rutufiafo Upa Diosin samamashta noco funimatiro non afu ipasharanon, —ishon shinannifo.

Josué 1:8

Un mato yonoa cusca nan cunua oinfafaihuun. Min nomuranshon nan cunua cuscan shafatifi non yamutifiri shinanhuun. Min nanscaifin nan cunua cuscan min aashquicai. Ascaino nanti min acai cuscan shara iishquin. Min isharacointiro.

Apocalipsis 19:10

Ua yoiaino un anaman fuopacua, —Min sharacoinran, —ishon yoishquin. Ascafiashon ua yoia, —Asca huayamahuu. Ua anori yoiyamahuu. Unrifi nan mi futan Jesús icoinra huafo cuscarari. Jesús mato yoia cuscan man cachiquiri huamisima. Un matofu ahuun oinmatiri. Nan fusti non fuoshopacutiro yoishquin, “Min fasi shara. Min uhuun Iforan,” ishon min nan fusti yoitiro. Diospan tsain yoimisifoan yoiafo cuscan unrifi un mia yoia nanscasi huaquin non Jesushuunoa non yoinon, —ua huaa.