Juan 4:28 - Sharanahua: Diospan Tsain

^28-29 Ascantan nan ainfo ahuun cuti potafainicai ahuun pushurasi ano cani. Nocoshon ahuun yorafoti yoini, —Nocofunun uqui nocoshon un amisi cuscan nantifi ua yoiaquin. Nanraca Cristo. Oin fucapon, —ishon ato yoiniquin.

Juan 4:28 ပူးပေါင်းရင်းမြစ်များ

Mateo 28:8

Ascaiton nicatan nan ainfo rafu toquirininhuan quini anoashu ichonifo. Ratufiacani aton nomuran fasi unimacoincaquin afu rafuafo yoi focani ichonifo.

Lucas 24:33

Ascashu Jerusalén ano nasoriscafuranifo nan Jesús fu rafuafo once funashcaquin. Ascashon ato fuchinifo ichananshu nan once yoinainfoanno, —Icon, nocon Ifo funia. Pedro man oinmanaran, —ishon yoinifo.

Lucas 24:9

Ascatan ainfofo nasofaincani nan once nocofunufo Jesús fu rafumisifoquin chanitoshinifo. Nannoa futsaforifi nan rama oinfainafo cuscacoin ato yoinifo.

Juan 4:27

Ascan Jesús ainfo fu tsaincaino non afu rafumisi aqui noconi. Jesús ainfo fu tsaincaiton oin non mustairini. Ascafiashon non yocanima, —¿Ahuuscain min ainfo fu tsainquinmun? —ishoncai non yocanima. —Min ainfo yoia cuscan noco tapimahuu, —ishoncai non anori yoinima.

Juan 4:7

Non afu rafumisifo nantianri pushurasi ano cashon non tushu fini. Jesús nomifiaquicai ahuaqui unu fitiro inima. Ascaino nantianri ainfon Samaritanon shafo nan pozo ano noconi ahuun cuti muran unu fiishquin. Ascan Jesús yocani, —Ua unu inanpun, —huaiton.