Juan 20:22 - Sharanahua: Diospan Tsain

²² Ascashon nocoqui ashaintaquin, —Uhuun Upa ahuun Yoshin Shara ficahuun.

Juan 20:22 ပူးပေါင်းရင်းမြစ်များ

Génesis 2:7

Ascatan nocon Ifo Diosin mai fishon yora huaquin futsashon nocofunu onihuani. Asca huatan ahuun ruchocoqui ashaitanaino nocofunu shacaina cahuani ninon. Ascatan Diosin nocofunu oni huaquin tau huaniquin.

Juan 14:16

Un Upa Dios yocain mato futsan nichishonon maton ointi fucash huanonma man isharanon. Maton tapimamisi inon. Amain Diosin Yoshin Sharashofin. Aafin iconmisiquin. Mato fu ipashquin. Icoinra huafoanmacai a onantirofoma. Ascarifi atacai ahuamain huaincai tapitirofoma. Ascan manfin onanmisiquin mato fumain icufin. Ascatari maton nomuran matofu rafui.

Juan 15:26

Matori noicasmafiaifoan uhuun Upa Diosin arishon ahuun Yoshin Shara matoqui nichishquin. Nanton maton ointi unimamatiro isharashcaquin. Afin iconmisiquin. Uhuunoa mato yoishquin.

Juan 16:7

Un mato icon yoinon. Un mato shara huahuunshon matomaqui caiyoicai. Un cayamainocai Diospan Yoshin Shara matoqui otiroma mato cushusharafain mato ashoshquin. Ascafia matomaquinoashu caquin uhuun Yoshin Shara un matoqui nichifainicai.

Juan 20:21

Afanan Jesús noco yoiquin, —Maton ointi fucashcaquima isharacahuun. Nan uhuun Upan ua nichini cuscan huafain natian un matorifi nichiran, —ishon yoini.

Juan 20:23

Ratoran futsan man aton chaca rauhuacufin Diosin aton chaca soashoshquin. Man aton chaca rau huamafin atohuun nuaquin, —ishon Jesús noco yoini.

Hechos 10:47

—Non Diospan Yoshin Shara fia cuscan afoanrifi fiafo. ¿Ascan ahuuscaimun unu muran iquimamutiromaquin? —ishon Pedro yoini.

Hechos 19:2

—¿Man icoinra huashon man ahuun Yoshin Shara fiamun? —ishon Pablonun yocaiton. —Ma. Noncai ahuunoa nicayomisima, —huaifoan.

Hechos 2:38

—Man chaca huamisi cuscan shatucahuun. Afanan chaca huatamarocon Dios shinancahuun. Jesucristo Ifo huacahuun. Man Ifo huaino mato unu muran iquimapacutiro maton chaca soafain Upa Diosin mato numanon. Asca huano Diosin ahuun Yoshin Shara matoqui nichishquin matofu rafucoinon.

Hechos 2:4

Ascaino Diospan Yoshin Shara aton nomuran nanutanaino nantifi tsain futsanman ipaitama inifoannifo. Nantifi ascai futsunifo.

Hechos 4:8

Asca huaifoan Pedronun Diospan Yoshin Sharahuunshon ato cumani, —Niaifofoan un mato yoisharanon.

Hechos 8:15

Nococashon nan rafutan oian Samaria anoafoan nocon Ifo Jesús fusti icoinra huanifo. Ahuun Yoshin Sharahuunoa tapiataifoma. Ato iquinataima. Unu muran iquimapacuano Jesús fusti ifoancoinnifo.

Gálatas 3:2

Nan fusti un mato yocapai man ua cumasharanon. ¿Moisés noco cunushoni cuscan tanashon man Diospan Yoshin Shara fia iyamarai nan tsain shara Jesucristohuunoa man icoinra huashon man fiamun?