Juan 19:31 - Sharanahua: Diospan Tsain

³¹ Iyoco futsaino nan fusititian Diosin oinmati nan afu imisiton nocon caifo Israelifo aton shunifoan facu iyoafofo finonmani shinantanfafainpaonifo ini. Ascano Jesús yafi yomutso rafu ihui coyan iquinanqui nanno mastaifoanno nocon niaifofoancai fusititian oinpainifoma. Ascanofin Pilato ano fonifoquin, —Funamanri nocon fusititian. Jesús yafi yomutso rafu ato fitucucahuun nariscanon. Mai huariscanonfo nocon fusititian mastafo ano ninonma, —ishon nocon niaifofoan Pilato yoinifo.

Juan 19:31 ပူးပေါင်းရင်းမြစ်များ

Éxodo 12:16

Ascacun nan fusiti shafa taui ichanancahuun uhuunoa shinanshquin. Na siete dia oshatan ahuun unutani afanan ichanancahuun uhuunoa shinanshcaquin. Nan shafa rafucai tsoan yonotiroma. Manfin picha fustitiroquin nantififain pinonfo.

Mateo 27:62

Iyoconaino tunutitian yorafohuunshon Dios cufimisi niaifofo yafi Fariseofo Pilatoqui fonifo.

Marcos 15:42

Ascatan sabado fainaca shafatan Israelifoan nan shafan anunifo, —Itisharati shafaran, —ishon anunifo. Nan itisharati shafatan man fari caino nocofunu José ratutama Pilato niaifo ano cani. Nan José arifi Israelifoan aton niaifo futsan. Arimatea mai anoa ini. Nanton manamisi Cristo Diosin catoanton aton niaifo inon. Nanscacaini cashon Josén Pilato yoini, —Niaifon, un Jesús ahuun caya ihui coyan iquinanmaquinoa fotomapai mahua quini muran mai huai cashquin. Un mia yocai oa, —ishon yoini.

Juan 19:1

Ascashon Pilaton ato yonoa Jesús iyonifo fichiqui cuno tuchiaton coshanonfo.

Juan 19:42

Nocon caifo nan Israelifo nocon tunutitian iyocoshquin icaino fari iquiataima Jesús mai huariscapainifo. Ascan nan mahua quini chaimashtacun a muran Jesús mai huariscanifo.