Juan 19:20 - Sharanahua: Diospan Tsain

²⁰ Jerusalén anoashu mani futsafo ya osiafo ichapacoin inifo. Jesús nanno chaimashtashon mastanifo. Ascanofin Pilatonun aton tsain futsa futsatapafo ato cunumani isca huaquin, —Jesús Israelifoan aton niaiforan —ishon tapinonfo. Nocon tsain cunufain Griegofoan aton tsainri cunufain Romanonfoan aton tsainri cununi.

Juan 19:20 ပူးပေါင်းရင်းမြစ်များ

Lucas 23:38

Ascashon ahuun mapo manaonri aqui cununifo. israelifoan niaiforan ishon.

Juan 19:13

Nicatan afanan Pilatonun Jesús chifi cainmani. Nantianri nocon caifo Israelifo fusiti iyocoshquin icaino. Nan Diosin oinmati nan afu imisiton aton shunifoan facu iyoafofo finonmani shinantanfafainpaonnifo. Fari masafinin racano Pilatonun Jesús iyoni anoshon aton shara aroshofafainmisi. Ano tsaoshon yocanshquin chaca huayamaraquin shara huacun. Nannoshon ato yonotiro onaintimaiyamaraquin nichimisi. Nanno anuni —Toquiri saparan, —huapaonifo. Nocon caifo Israelifoan ahuun tsainman, “Gabataran,” huanifo. Pilaton tsaoshon aton ointaifi Jesús cainmani. Cainmashon, —¡Oincapon! Naafin maton niaifoquin, —Pilaton ato huaiton.

Juan 19:42

Nocon caifo nan Israelifo nocon tunutitian iyocoshquin icaino fari iquiataima Jesús mai huariscapainifo. Ascan nan mahua quini chaimashtacun a muran Jesús mai huariscanifo.

Juan 5:2

Nanno chashoanfoan aton iquiti cunu ini. Nanno chaimashta ianman facushta ini. Cusumun pushu cahuan sharamishti mucu fustiti tsaoacuafo.

Hechos 21:37

Aton pushu muran iquimapaiyaiton Pablonun niaifo yoini, —¿Un mia yocatiromun? —huaiton. —¿Min Griego tsain tapiamun?

Hechos 21:40

—Ato yoihuu, —niaifoan huaiton. Pablo paitinin mapuinifoantan ato mushashoni. Ascaino mucafiacani nishmapacufoannifo. Ascano aton tsainman ato yoiniquin.

Hechos 22:2

Nan Hebreo tsainman ato yoiaiton nicacani fasi puusinifoma. Ascano afanan ato yoini,

Hechos 26:14

Un pacuriscataquin un ahuun oi nicani. Uhuun tsainman Hebreo ua yoini, “Saulo, Saulo. ¿Ahuuscaquimun mian omitsiscamaquin? Mifi min omitsisca huamuaquin,” ua huaiton.

Hebreos 13:12

Nanscarifiai Jesús Jerusalén pasoatonoashu noco omitsiscashocai ahuun imi focai ahuun yorafohuunoashu nani nocon chaca noco soashoshquin non a cuscara shara inon.

Apocalipsis 16:16

Nannori nocon Ifon Jesús yoifiashu nan rafu non fusti yoshin chacafoan nantifi niaifofo maifoti anoafo ichanan huaa Diospan yorafo rutupaiquin. Ato ichanan huamai nan mai ahuun anu Israelifo tsainman Armagedón.

Apocalipsis 9:11

Nan quininhuan faquish muran yoshin chacafo icafoan aton niaifoan ahuun anu Israeli tsainman Abadón. Griego tsainmanri ahuun anu Apolión. Onicoinnin tsainman yorafo rutumisi.