Juan 18:33 - Sharanahua: Diospan Tsain

³³ Ascano Pilaton ahuun pushu muran Jesús iyoni yocanon. —¿Minmun Israelifoan aton niaifon? —huaiton.

Juan 18:33 ပူးပေါင်းရင်းမြစ်များ

Mateo 27:11

Ascashu Romanon niaifoan ahuun anu Pilato fu Jesús nia ini. Nan niaifoan Jesús yocani, —¿Minmun Judiofoan niaifocoin? —ishon yocaiton. —Nan min ua yoiai cuscafin unquin, —Jesús huani.

Mateo 27:27

Nan ranushumuafoan Jesús iyoafo anofin niaifoan ahuun pushu iniquin. Ascano nan niaifo cushumisifoan ranushumuafo chifinoafo cunani Jesús oin funonfo.

Marcos 15:2

—¿Minmain Israelifoan aton niaifocoinquin? —ishon Pilaton Jesús yocani. —Aifain. Nan min ua yocain cuscafin unquin, —Jesús huani.

Lucas 23:2

Ascano niaifofoan Jesús tsain paranacaquin yoinifo, —Na nocofunun fasi noco yorafo fucash huaquin ato yoia, “Romanon niaifoan mato pui yocaiton inanyamacahuun,” ishon yoifain “Un Diospan facu un mato niaiforan,” noco huaran, —ishon Pilato yoinifo.

Juan 1:49

Ascaiton, —Tapimamisiton. Felipe ua yoia cuscan iconcoin. Minfin Diospan Furunquin. Nocon caifo Israelifo min nocon niaifoquin, —huaiton.

Juan 12:13

Upufo ya aqui fucaquin oi ashcafinin isca huanifo, ¡Aicho! Nocon Numamisi oiquin. Nonfin Israelifoquin. Minfin nocon niaifoquin. Nocon Ifo Diosin mia nocoqui nichini. Min fasi sharacoin. Upa Diosin mia shara huapapainonran ishon yoinifoquin.

Juan 18:34

—Mifimun min anori shinaincai. Futsanfoanraca mia uhuunoa yoiafo, —huaiton.

Juan 18:37

Ascaiton Pilato cumani, —¿Iconmun min niaifo? —ishon yocaiton. —Mian yocain cuscafin unquin. Niaifo icain iconcoin yoipacushaquin un cainni. Tsoan iconcoin nicapaiquin ua nicamisifo, —Jesús huaiton.

Juan 18:38

—¿Ahuamun iconquin? —Pilato cumani. Asca huatan chifi cainacahuani Israelifo yoishquin, —Un na nocofunu yocafiacai un ahuunoa ahua chaca nicama.

Juan 19:12

Ascaiton nicaquin Pilatonun Jesús caimapairiani. Ascafiaino nocon caifo Israelifoan tsain isininpaton yoinifo, —Tsoa, “Unfin niaifoquin,” icafin Romanonfoan niaifocoin Cesari chaca huaiquin. Ascan min na nocofunu Jesús caimanacai nocon niaifocoin Cesari min ahuun yorahuancoinma, —icashon oi ashcafinin yoirianifo.

Juan 19:3

Ascashon aqui cashucaquin. —¡Aicho! Minfin Israelifoan aton niaifoquin. Min chai niyopacupainon, —huatan fupasiriani.

Juan 19:4

Ascano Pilato Jesús chifi cainquifainni oinonfo. Jesús sahuuti nanhuainqui pocoa ointsa sahuumatan mosha chainipafo maiti huashotan sahuumanifo. Ascashon Pilato, —Oicapon na nocofunu. Ucai ahuunoa ahuashta nicayomisima un chaca huapanan, —huaiton.

Juan 19:9

Ascashon Jesús ahuun pushu muran afanan iyoni. Iyoshon yocani, —¿Raniamun minquin? —ishon yocani. Yocafiainocai Jesús pusinima.

1 Timoteo 6:13

Nan oni huati Upa Diosin nantifi ato nimai. Ascano Romanon niaifoan ahuun anu Poncio Pilato yocaiton Jesús ahuunoa yoisharani. Nan Dios futan Furun Jesusin ointaifi un mia yonoi.