Juan 17:15 - Sharanahua: Diospan Tsain

¹⁵ Uncai mia yocama mai anoshon min icari min ato ihuinon. Ascatamarocon un mia yocain nuno mai anoshon min ato cushushara nan yoshin chaca Satanás ato ahuusca huanonma.

Juan 17:15 ပူးပေါင်းရင်းမြစ်များ

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Salmos 121:7

Nocon Ifon Diosin noco cushuainocai nocoqui ahua chaca nocotiroma. Non niyocun noco cushusharatiro.

Mateo 5:37

Ascan maton yora ahuara yoipai ato yoihuu isca huaquin, “Un mia yoia cuscan iconcoin,” iyamarai “Nan iconmaran,” ishon ato yoicahuun. “Un mia acunma ahuara ua onaintimatiroran,” ishon anori yoiyamacahuun. Na yoshin chaca Satanasfin chanimisicoinquin. Ahuunshon yora anori yoitiro.

Mateo 6:13

Satanás yoshin chacapan noco chaca huamapaifiaiton nocoqui cumatima huahuu. Nansca huaquin,” ishon cuficahuun ato huani.

Lucas 11:4

Nan noco chaca huaifoan non ato rau huaa cuscan huafain nocon chacafori noco rau huashohuun, Upan. Satanás yoshin chacapan noco chaca huamapaifiaiton nocoqui cumatima huahuu. Nansca huaquiquian,” ishon Jesús ato yosini.

Lucas 22:32

Ascafia un mia Upa Dios cufishona min ua icoinra huafain afanan ua tanasharanon. Ascan min afanan uqui nasoaino ufu rafua futsafori min ato yoisharatiro ua tanasharanonfo, —ishon yoiaiton.

Gálatas 1:4

Ascacun non chaca huamisihuunoashu Jesús nani noco chaca soashoshquin. Nan maifoti ano yora chacafo muran non ica. Upa Diosin afin apaiyai cuscan nan chacafo murannoa natian Jesús noco numai.

2 Tesalonicenses 3:3

Ascafia nocon Ifo no fu icacaini. Ascashon nocon yoimisi cuscan noco huashoshquin. Nan yoshin chaca Satanás noco omitsiscamapaifiaiton nocon Ifoan noco mutsismafain noco cushusharafafaini.

2 Timoteo 4:8

Nocon Ifo shara Jesús ua inansharapaiyai cuscan ua mucushona. Ascashon afin nocohuunoa tapicoian. Ascan noco inanshquiain cuscan iconcoin. Nan oaitian afu rafumisifo isharamisifo noco inansharashquin. Ua fusti inanshquima. Tsoan Jesús noicoinquin fasi oinpaifain manasharamisifo atorifi inansharashquin.

1 Juan 5:18

Ascan non tapia ratoranfo Upa Diosin ahuun yoracoinshocai chaca huafafaintiroma. Diospan Furunmun ato cushusharatiro nan yoshin chacanun ato achinonma chaca huamashquin.

1 Juan 5:19

Man non tapiari non Diospan facufo. Nan icoinra huafoma ahuun facufoma. Manifoannati nan yoshin chaca ato iquina.