Juan 17:11 - Sharanahua: Diospan Tsain

¹¹ Uncai afanan na mai ano iyoima. Unfin miqui caicain. Afofin na mai ano nitucaniquin. Upan, min fasi sharaquin ato cushusharahuu. Min curushhuunshon ato cushusharahuu. Mian inanfoti ato cushusharahuu. Nonfin nan fusti cuscaracoinquin. Nanfori no fu nan fusti cuscararifi ato imahuu.

Juan 17:11 ပူးပေါင်းရင်းမြစ်များ

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Mateo 5:48

Ascano maton Upa Diosin nai muranshon nantifi yorafo noia cuscan marifi nansca huacahuun. Upa Diosin shinansharamisi cuscan marifi shinansharacahuun.

Mateo 6:9

Ascashon cufinquin isca huacahuun, “Nocon Upa nai murannoaton min fasi sharacoin. Nantififain mihuunoa yoisharapainon.

Juan 13:1

Diosin oinmati nan afu nai muran icaton nocon shunifoan aton facu iyoafofosi finonmani ato rutunonma nan fusitin chaima. Jesús onanni iyoconaino rutuaifo. Mai anoashu Apa ari caanon. Non afu rafumisifo nuno mai ano niyoshon noco noiyopaoni cuscan natian noco isma nocohuun noi finacoinquin.

Juan 13:3

Ascatan Upa Diosin ahuun Furun yoini, —Nantio nai murannoa non mai anoafori min ato yonotiro. Min ato iforan, —ishon Upa Diosin yoini cuscan Jesús tapiyoni. Upa Dios ariashu oni afananri aqui nasoshquin nanri tapiyoni.

Juan 14:20

Un funiaiton man tapitiro unmain Upa Dios fu ipanacacufin. Ascarifi atan marifi man ufu icaquin. Urifi un matofu icaino.

Juan 16:28

Un Upa ariashu oni nocofunucoin mai anoashu cainshquin. Natian un mai anoashu afanan Upa ari caicain, —ishon Jesús noco yoini.

Juan 16:33

Un mato yoiafo uhuunshon maton ointi man unimamafain man isharanon. Nuno icoinra huafoma murannoashu omitsiscafiacaquin shinanchacayamacahuun. Un Satanás yafi icoinra huafomati finoncoianquin. Ascan un mato cushuicai, —ishon Jesús noco yoini.

Juan 17:23

Min ufu icacainai cuscan urifi atofu icacaini. Ascan min ipaiyai cuscan nanscarafosi non shinantiro. Min ointi cuscarafosi non itiro. Nan oincaquin icoinra huamafoan tapitirofo mian nichinicun mian noia cuscarifi ua icoinra huafohuunri min fasi noicoin.”

Juan 17:25

“Upan, min shara fustisi imisi. Icoinra huamafoancai mia onanfoma. Ascan un mia onancoin. Min ua nichini ufu rafumisifoan tapiafo.

Juan 17:6

“Nuno mai anoa ufu rafumisifo mian inanni un ato ismanon min ahuu cuscara sharamainquin. Na ufu rafumisifo minafofiacun mian ato inanni. Min tsain mia nicacacoianfo.

Juan 7:33

Ascan Jesús ato yoini, —Un matofu ichaipacuima, Un samamashta uhuun Upa Dios ari cai. Nantofin ua nichiniquin. Un samamashta aqui cai.

Hechos 3:21

Ahuun yonoshomisifoan nan inon pacoai Jesushuunoa yoinifo isca huaquin, “Upa Diosin yoiyotiani, ‘Un chipo nantifi funa shara imai. Afanan ahua chaca inonma. Un asca huayoai chain uhuun facu ufu nai muran iyoiran,’ ” inonpacoai cuscan Diospan tsain yoinifo.

Romanos 12:5

Nanscarifiai nocon Ifon Jesús fusticoin. Nonfin ahuun yorafoquin. Non ahuun cayan cuscarafoashu non yopanonainquin.

Romanos 9:17

Ascano Upa Diosin Egipciofo aton niaifo yoini, —Un mia niaifo imashquin nantifi manifoti anoafoan un ahuamamishti huatiro minhuunshon tapinonfo, —ishon yoini.

1 Corintios 1:10

Uhuun yoramishtichin un mato yoisharapai. Nocon Ifo Jesucriston ua yonoaino un mato yoi nannorifosi man shinanon. Shinan futsacaquima Jesucristo mato shinanmapaiyai cuscan nannorifosi shinancahuun.

Gálatas 3:28

Upa Diosin Cristohuunshon nantifi manifoti anoafo noco nanscarafosi oin. Uhuun caifo Israelifo yafi Israelifoma non yonomatifo yafi yonomatimafori non nocofunu yafi ainfofori nanscarafosi noco oin. Jesucristo noco Ifo icaino non ahuunoashu yora fusti cuscara itiro. Ascan nantifi icoinra huafotifin non ahuun yorafo.

Efesios 4:4

Ascano Jesús icoinra huafosi Diospan yorafoquin. Ascan nonfin ahuun caya muma cuscarafoquin. Diosin ahuun Yoshin Shara fustiton. Afin noco cuna non Jesús icoinra huacun noco imapaiyai cuscan non tapia. Noco yoiyotiani cuscan Cristo oaitian noco inanshquin. Nan fustifin non manasharamisiquin.

Filipenses 2:9

Ascafiacun Upan Diosin Furun afanan funimani afu niaifocoin inon. Ascacun tsoa futsacai Jesús finontiroma. Asca Upa Diosin Furun yoiquin isca huani, —Mirus fustifi min ua cuscara. Nantifiton aton Ifo. Ascan minfin uhuun Facu Jesucristoquin. Tsoa futsancai mia finontiromaran, —ishon Apa yoini.

Hebreos 1:3

Nanton Apa Diosin cuscaracoin. Noco ismacoin ahuu cuscaramain Apa Diosiquin. Apa shara imisi cuscan arifi nanscaracoin. Furunmun ahuun tsainmansi ahuamamishti huatiroquin. Ascan ahuun curushhuunshon ahuun tsainmansi onihuafoti yonotiro afin apaiyai cuscan anonfo. Ahuun tsainmansi nantifi onihuafoti cushusharafafainmisi. Nanfin nocohuunoashu nani nocon chaca noco soashoshquin non a cuscara shara inon. Ascashu Apa ari cani a futan nantifi iquifafainshquin.

Hebreos 9:24

Ascan nan Dios fu tsainti pushufin nocofunufoan onihuaniquin. Amurannoa ahuarafo nan Diosin icaria cuscaracoin. Ascan Cristocai funinaca huatan amuran iquitama. Apa Diosin icaricoinrocon cayacafi iquini nocohuunoa Apa Dios cufishofafainshquin.

Santiago 4:4

Afin mato amapaiyai cuscacai nancairocon shinantama nan mafi ranan man apaiyai cuscan fustisi man shinanmisiquin. Ascaquicai man Dios noicoianma. ¿Man tapiamamun nan icoinra huamafoan fuchipaiyaifo cuscan marifi man fuchipaya. Ascaqui man Dios noicasmamisi itiro? Asca man icoinra huamafo cuscara icashufin Diosin noicasmamisi man itiroquin.

1 Pedro 1:5

Ascan non icoinra huacun Upa Diosin ahuun curushhuunshon noco cushusharafafaini Jesús oaitian. Nantianri noco imashquiai cuscan nantifi noco inanshquin ahuashtacai non funoshquima.

1 Juan 3:12

Caín cuscara iyamacahuun. Cainfin Satanás yora iniquin. Chipocu isharamisicun afi ascayamaquin chipocu rutuni.

1 Juan 5:19

Man non tapiari non Diospan facufo. Nan icoinra huafoma ahuun facufoma. Manifoannati nan yoshin chaca ato iquina.

Judas 1:1

Uhuun yoramishtichin unquian Judas un mato cunu fomai. Unfin Jesucristo ahuun yonomatiquin. Un Santiago ahuun ushto. Nocon Upa Diosin matohuun noiquin mato catonni. Ascan nocon Ifo Jesucristo mato cushufafaini.

Judas 1:24

Ascan uhuun tsain unutaqui nocon Dioshuunoa un mato yoisharapai. Nanton mato cushusharatiro man chaca huanonma. Unimacoincain ahuun ointaifi mato imasharatiro. Nannoshocai tsoan matohuun ahua chaca nuutatiroma. Ascashu unimacoin man aqui nocoshquin. Nantofin mato nansca shara huashotiroquin.

Apocalipsis 15:4

Ifon, nantififain miqui musucaquin mia nicasharapainonfo. Min ahuamamishti tsoan oinyomisima min atiroquin. Nantifi yorafoti anori yoipacunonfo. Mirus fusticai min chaca huamisima. Nantifi manfoti miqui funonfo. Min shara fustisi huamisi. Nantififain oinquin isca huashquin, ‘Min sharacoin. Min nocon Ifocoinran,’ ” ishon mia yoishcani.

Apocalipsis 19:12

Ahuun furo chi uruai cuscara rafu. Chi uruaino faquishfiacun yoran oinsharatatiro. Nanscarifiai nocon Ifoan yorafoti aton nomuran shinain cuscan onancoian. Niaifo maiti sharashtacoin ichapa maia. Ahuun fumananqui anu cunua. Arus fusti nan anu onan.

Apocalipsis 4:8

Nan cuatro putao ya seis putao ya. Nan ato putao ocuma rafu furo ichapayari. Shafatisho yafi yamutishori nan rafu non rafuri fanainquin isca fafaincani, “Nocon Ifo Dios fasi sharacoin. Shara fustisi huapanaca. Nantofin ahuamamishti huatiroquin. Iyopaonishaqui natianri ipamisi. Ascashuri ipanacaran,” icashu nan rafu non rafuri fanainriacani. Ascashon yoiafori isca huaquin, “Nocon Ifon Diosin mirus fusti min nocon Ifocoin. Tsoa futsacai mia cuscara sharama. Min isharapacunaca. Ascacufin non mia fasi noiquin aicho huai. Min noco shara huafafaini,” ishon nan rafu non rafuriton yoiriaifoanno nan icoinra huafo cushumisifo veinte cuatrofain nocon Ifo Diosin ahuun tsaoti camaqui tsaoa naman fuoshopacufoan aton maiti oro ointsa sharashtacoin nocon Ifo tsaoa afofori nannosi huacashon yoiafo isca huaquin, “Nocon Ifo Diosin min noco maiti inan cuscan non mia afanan nasoin. Man min noco inanfiacun non mia fasi noicoinquin noco maitifo non mia afanan nasoin. Ascan mirus fustifin min noco iquitiroquin. Min nocon Numamisi. Ascashu mirus fusti min nocon Ifocoin.