Juan 16:32 - Sharanahua: Diospan Tsain

³² Ascafia chipo umaquinoashu man pashcafainicai. Maton pushu ano man cai. Icon natian man ua potafainicai. Tsoacai ufu nituima. Man ascafiainocai urusu un nituima. Man umaqui cuyofofiaino uhuun Upa fu un patanain.

Juan 16:32 ပူးပေါင်းရင်းမြစ်များ

Mateo 26:31

Ascashon afanan noco yoini, —Na yamutafin nantififain man ua potafaini ichoi caiquin. Diosin tsain cununi isca huaquin, “Unfi chashoanfo cushumisi rutuicain. Ascaino chashoanfo ichoi futsucaniran,” icashu cununi. Nanscarifiai ua rutuaifoanno na yamutan man uhuunoashu ratufaini ichoicai.

Mateo 26:56

Ascafia nan man ua acai cuscan Diosin tsain yoimisifoan uhuunoa cununifo cuscan nanscacoin man ua huairan, —ishon Jesús ato yoini. Ascaino non afu rafuafo nantifi non amaqui ichoni.

Marcos 14:27

Ascatan Jesús tsain futsan ato yoini, —Nantififain man ua potafainicaiquin. Diosin tsain cununi isca huaquin, “Unfin chashoanfo cushumisi un rutuicai. Ascano chashoanfo ichoi futsuiqui,” ishon cununi. Nanscarifiai ua rutuaifoanno man uhuunoashu ratufaini foi ichoshquin.

Marcos 14:50

Ascaino afu rafumisifoan potafaini amaqui ichonifo.

Juan 12:23

Nicaquin Jesús ato yoini, —Unfin samamashta uhuun Upa Diosin nai muran icano un caicain afu niaifo iqui cai. Ascanfia uhuun Upa ari cataima un yorafotihuunoashu un nayoshqui. Isca huaquin un mato tapimashquin man tapinon. Shuqui furo fusti non fanayamacai foatiroma. Ascatamarocon nan shuqui furo fusti fanano ahuunoashu furo shara ranan caintiro. Nanscarifiai un matohuunoashu nayamacai tsoa futsa un nimapacutiroma. Urus fusti un nipatiro.

Juan 16:2

Tapicahuun. Maton caifo nan ua icoinra huamafoan chipo yonoi man nocon ichananti pushu muran afanan iquinonma. Un mato icon yoinon. Chipo amaquiri shinancani isca huaquin, “Diosin apaiyai cuscan non huashonon. Non Jesús icoinra huafo rutunon,” ishon anori shinancani.

Juan 16:25

Un mato yoiyaifo tapifiashocai atirifi man tapiataima. Un mato shafacafi yoicoiantaima. Ascafia un chipo mato yoicoin Upa Diosihuunoa shafacafi man tapinon.

Juan 16:31

—Inoncai man ua icoinra huai.

Juan 19:27

Asca huatan —Naafin min uhuaquin, —ishon ua yoiaiton nicaquin uhuun pushu ano un iyoni cushusharashquin.

Juan 20:10

Ascaiton ointan nocon pushu ano non nasocurani.

Juan 4:21

—Un mia yoinon ua icoinra huahuu. Chipo ahuutiaran tsoan afanan shinainma isca huaquin, “¿Ranishomun un Upa Dios cufitiroquin na machi anoshon iyamarai Jerusalén anoshon?” ishon afanan anori shinanshcaquima.

Juan 5:25

Un ahuara futsa iconcoin mato yoinon. Natian nan naa shinantsain uhuun tsain nicacoianshu ufi Diospan Facu icoinra huashu afanan Diosimaquin itamarocon afu nipasharatiro.

Juan 5:28

Un mato yoia cuscan mustairiyamacahuun. Chipo nafoan uhuun oi nicashcani. Nicacani funishquicani. Ratoranfo niyoashu isharamisifo funiashu nipasharashcani. Ascanrifiai ratoranfoan niyocashon chaca huamisifo funiashuri omitsiscapashcani.

Juan 8:16

Ascafiacun uhuun Upan shinain cuscan nannoricoinrifi un mato yoi. Ascan un iconcoin yoimisiquin. Uhuun Upan ua nichini. Un futsahuunoa yoiquicai unrusu un yoima. Uhuun Upan ua tapimana cuscan un yoi. Ascan un futsahuunoa yoia cuscan iconcoin.

Juan 8:29

Nan ua nichini ufu imisi. Uacai potamisima. Afi ua amapaiyai cuscan un amisiquin. Ascacun uqui unimacoin, —ishon ato yoini.

Hechos 21:6

Ascatan —Non mato shinanfainnicairan, —ishon yoicatan munininantanannifo. Ascatan shasho nanufainifo. Ascaino aton pushu ari nasofainifo.

Hechos 8:1

Naacun Saulo ato yoini, —Manfin shara huaqui rutuaquin, —ato huani. Nan shafatanri icoinra huamafoan Jesús icoinra huafo Jerusalén anoshon fasi ato omitsisca huanifo. Ascano Judea ari non Samaria mai ariri pashcafainnifo. Nan doce Jesús fu rafumisifocai atofu fonifoma. Jerusalén ano nitunifo.