Juan 13:17 - Sharanahua: Diospan Tsain

¹⁷ Un aca cuscan man man tapia. Ascan man man tapia cuscan aaquin unimacointiroquin.

Juan 13:17 ပူးပေါင်းရင်းမြစ်များ

Génesis 6:22

Ascan nan Diosin yonoa cuscacoin Noé nantifi huani.

Salmos 19:11

Tsoan Diosin yononi cuscan nicaquin tapitiro ahuara chaca huai fasi musu itiro. Ascan Diosin yononi cuscan nicasharaino noco fasi shara huatiro non funopacunonma.

Mateo 12:50

Nan uhuun Upa Dios nai ari icaton ato amapaiyai cuscan huaifo nanfofin uhuun ushtofo yafi uhuun chicofo non uhuun uhuafoquin, —ishon Jesús ato yoini.

Lucas 11:28

Ascatan Jesús cumani, —Ai, nan min yoiai cuscan iconfiashu tsoan Diosin tsain nan nica cuscacoin Diosin nan unimamatiro finacoian, —ishon cumani.

Juan 15:14

Un mato yonoai cuscan man aifin ufu rafumisi man itiroquin.

Gálatas 5:6

Non foshqui rupa shatu iyamarai shatuama nanscara rafu. Afoancai nocon numatiroma Cristo cuscara non inon. Non Jesucristo icoinra huashon non futsafo noicointiro. Nan fusti non yopai.

Santiago 1:25

Futsafocai ascarama. Diosin tsain shara fustisi oinsharashu nan yoia cuscacoiaino. Shafatifi Diosin tsain tanacoiancai ahua futsa afanan ahuun ifo itiroma. Ascashu ishara fusticoincain ahuun ointi unimatiro.

Santiago 4:17

Ascashon ratoran futsan Diosin amapaiyai cuscan tapifiashon futsa ashosharayamaino nantofin chaca huaiquin.

Apocalipsis 22:14

Jerusalén funa muran iquishon nan nii ahuun fimi pipaiquin pitiro nipashquin. Nanscarifiai Upa Dios fu icaino arus fusti mato nimapacutiro. Nan ua icoinra huafo aton chaca soashona nanfo fusti uhuun Upa Diosin ato iquimatiro nofu ipanonfo.