Josué 7:6 - Sharanahua: Diospan Tsain

⁶ Ascano nan nicatan Josué fasi shinancoinni. Ahuun sahuutifo fashnu fashnuani Diosin tsain nan casho muran nanua naman fuopacucahuani. Nan fari caitishon nanscai fuoshon nocon Ifo Diosi cufini. Israeli niaifo patasharinoafoanri nansca huanifo. Aton fuyamisi cuscan mai mapo aton mapomaqui huanifo nan shinancoiainfo cuscan ismashcaquin.

Josué 7:6 ပူးပေါင်းရင်းမြစ်များ

Génesis 37:29

Man iyoafoanno iyoa Rubén chipo nocotan pozo ano funani. Funafiaquicai fuchinima. Ascatan fasi uaiyanan ahuun camisa fashnuqui futsani. Oinmashquin a chipocun fasi noicoin ai.

Génesis 37:34

Ascatan ahuun camisa shara fashnuqui futsatan chocashta sahuuni. Ascashu uaiqui unupaonima.

2 Samuel 1:11

Nicacashon David a fu icafoanri fasi shinancaquin aton sahuutifo fashnu fashnuanifo.

2 Samuel 1:12

Ascan fasi Saúl yafi furu Jonatán non Israeli ranushumua futsafo nanfo nocon Ifo Diosina. Filisteofoan nantifi Israelifo rutunifo David futan a fu icafo nicai manocani fasi uainifo shafatan piqui tununifo.

2 Samuel 1:2

Ascan iyoconaino nocofunu Saúl nanoashu David icano noconi. Ahuun sahuutifo fashnu fashnuatan ahuun mapoqui mai mapo ocani. Ascaquifin ato ismaniquin Israelifo shinancoinquin. Davidqui nocotan maiqui fuoshonpacucahuani David niaifo shara ismashquin.

2 Samuel 12:16

Ascaiton David nocon Ifo Diosi fasi cufini isca huaquin, —Ifon, uhuun facushta ua caya huashopun naanonma, —ishon cufinquin piqui tunufai yamutifi maitoca racashini.

Números 14:6

Ascano Josué yafi Caleb nanfoan futsafo futan nan mai shara oinnifoan aton sahuuti fashnunifo aton ointi ihuumanaifoan ato ismashquin.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Números 16:45

—Na yorafomaquinoashu fotacahuun un ato namariscanon, —ishon Ifo Diosin yoini. Nicacatan Moisés yafi Aarón Ifo Dios ointaifi maiqui fuoshon pacunifo.

Hechos 14:14

Man acai cuscan nan rafutan oincaquin aton sahuuti fashnunifo aton nomuran ointi isincoincaquin ato oinmapaiquin. Ato muran ichotanonfo,

Josué 7:7

Ascashon Josué nocon Ifo Diosi cufini isca huaquin, —Nocon Ifo Diosin, min nantifi iquina. ¿Ahuuscai min noco unu Jordán anoshon nuquiri ihuuamun Amorreofoan noco rutunonfo? ¡Ohuashta! Non unimacuana unu Jordán ocuma futsa non nitua shara icuana.

1 Samuel 4:12

Ascano nan nocofunun Israeli mani futsa Benjamín ahuun funa nan rutunainfoannoashu ichoni. Ascashu Silo ano noconi. Nocoaiton oiainfono ahuun sahuuti fashnu fashnu ani mai mapori ahuun mapo camaqui masaica ini.