Josué 7:3 - Sharanahua: Diospan Tsain

³ Ointani Josuéqui nasonifo aqui chani fucani. Yoiquin isca huanifo, —Nan Hai ano yora fusti rasi. Ascacun atirifoan nunoshon noco manatiro. Dos mil iyamarai tres mil fusti non Hai ano catiro ato rutuqui cuyoshquin, —ishon yoinifo.

Josué 7:3 ပူးပေါင်းရင်းမြစ်များ

Lucas 13:24

Ascaiton Jesús ato cumaquin isca huani, —Uhuun Upa icanocai atirifi iquitirofoma. Ascacun nan un mato yoiai cuscacoin nantifi huacahuun. Nan fai atsoshta tanashcaquin. Ascashon marifi Diosin tsain tanasharacoincahuun iquisharashcaquin. Yora ichapafo iquipaifiacanicai iquitirofoma.

Hebreos 4:11

Ascacufin non Dios nicasharashu a cuscara isharacain nocon nomuran unimai cuscan non muunon. Ascan nocon shunifo yoitimashuni. Diosin ato mai shara iquimapaifiaquicai icoinra huayamaifoan ato iquimanima. Ascan noncai ato cuscara ipaima Diosin noco imapaiyai cuscan non funoshquinma.

Josué 7:2

Josuécai tapinima nocon Ifo Diosin atoqui sinai ahuun caifofo Jericó anoshon pushu rasi ahuun anu Hai ano ato nichini. Nan Hai Bet-avén chaimashta. Fari oaiquiri pushu rasi Betel chaimashtari ini. Josué ahuun caifofo yoini isca huaquin, —Hai mai ano oinyotacahuun ahuu cuscaramainquin. Oinshon noco tapimai fucahuun, —ishon Josué ato yoini. Nannori ato huaiton nicacatan fonifo Josué ato yonoa cuscan oinfocani.

Josué 7:4

Ascatan tres mil Israeli nocofunufo Hai ano fonifo. Ascafia nan Hai ano icafoan ato ichonifo.

2 Pedro 1:10

Ascacun uhuun yoramishtichin Upa Diosin mato amapaiyai cuscan nantifi acahuun. Ascashon man tapicointiro mato catonnicun ahuun yorafo man inon afu ipashquin. Ascashucai man chaca huapaoni cuscan man afanan nasopacunacama.

2 Pedro 1:5

Ascacun nan mato imapaiyai cuscan fusti ipaicahuun. Icoinra huashu a cuscara sharacoin ifafaincahuun. A cuscara shara man icaino Dioshuunoashu finonmafain mato amapaiyai cuscan fustisi tapicahuun.